第一次去狗公園~~廣福

今日本來要加班，

但堂妹四點幾打o黎

話不如一齊去放狗，

所以決定今日唔加，同佢o地去玩下，

反正菲比都未去過狗公園，

就帶佢去跑下啦！

見到依張Banner，

仲以為狗公園好大添。

一去到就見到依隻好靚o既standard，

真係好鐘意佢呀！

如果可以有一隻就好lu...

(其實自己好驚大狗)

佢不停追住菲比，菲比係咁跑...

好可愛o既垃圾筒呀！

佢追完菲比又追芝麻仔，

但比妹妹追翻轉頭。媽媽救完一隻又一隻...

真係好搞笑呀！

佢都係得十個月大咋，

想同佢影張相都唔得，睇佢o地兩個...

好難先影到佢o地三隻一齊，

仲伸晒脷添。

菲比差小小就大隻過媽媽啦！

唔知係唔係我谷得菲比太勁呢？

佢真係大隻過芝麻仔好多喎！

出世時芝麻仔大隻過佢好多的...

影翻張合照先...

最衰菲比唔望鏡頭啦！

菲比係都要追住佢o地...

堂妹一拖三，菲比係都唔肯跟佢走...

去爺爺屋企坐下先，比水水佢o地飲...

菲比好叻叻，識得等佢o地飲完先飲，

平時都咁叻就好lu...