為咗菲比

師傅話想改善菲比問題就要自己同菲比沖涼，

佢宜家雖然肯比老闆娘抱入去，

唔代表佢鐘意比人o地沖涼，

其實菲比連我都未必肯，但都好過每次放低佢o既時候，

菲比都可能會擔心我會唔會去接翻佢呢？

同埋寵物店始終有好多狗狗，有時老闆娘都未必睇得住咁多狗，

萬一菲比比其他狗嚇一嚇咁就又有排搞啦！

所以都要聽師傅話，自己同佢沖下涼啦！

屋企就只有一把梳同一把梳眼屎o既梳，

因為之前把梳應該令佢有唔好o既聯想啦！

所以我買過把新o既！

等師兄師姐佢o地教識我點同菲比沖涼後就換新梳用...

沖涼液，洗眼水屋企有，買埋洗耳水就準備好啦！

菲比﹕總之唔使同媽媽分開，咩都無所謂啦！

咁就比媽媽試下同妳梳毛啦！

上次上堂師傅教咗點同佢梳毛佢先唔會反抗，

不過我真係學唔到師傅果招，

唯有自己慢慢試啦！

師兄叫得閒比把梳菲比聞下，佢無e牙就good佢，比獎勵佢...

睇下，佢宜家望住把梳梳無e牙啦！