菲比今日攞狗牌

今日真係好趕呀！收工七點半返到屋企，食完早餐，

諗住睇下電視，上下網，到十二點零鐘帶菲比去沖涼，

之後去攞狗牌，因為人o地係逢星期二，一點九至四點，

所以要等，點知睇睇下電視瞓著咗，

到札醒已經係一點十，拿拿臨流洗完帶菲比去沖涼啦！

因為打完針唔沖得涼住，所以點都要沖咗涼先打針，

最多趕唔到就下個星期先打，

我要求人o地幫我一個鐘頭搞掂，佢o地都好好人，

比菲比打尖，咁我三點半去接菲比之後就去攞牌啦！

去到仲要等一個，佢隻狗狗好大隻，四歲半，

知道要打針就(娟)入枱底，好攪笑呀！

到菲比啦！個阿叔攞舊o野出o黎要同佢掃下有無晶片，

菲比勁反抗，我同阿叔講佢無晶片，個阿叔話都要掃下，

但菲比真係好反抗，我同阿叔講佢係自家繁殖，

我睇住佢大，我肯定佢無晶片，但佢係都要掃，

仲話萬一佢有晶片點算，唉！你要掃就掃啦！

到入晶片時菲比無掙扎，無叫，好叻叻呀！

但係打針時就叫咗一聲，佢之前打三針都無叫過，

可能lee針好痛啦！

攞完狗牌就返屋企啦！宜家仲瞓到好似隻豬咁添...

去到寵物店，人o地即時同佢戴口罩...

所以同佢影翻張相先...

其實睇見覺得好心痛，可能其他寵物店都會同佢戴口罩，

但唔會係我面前，我當唔知，但佢o地就...

所以決定都係唔再去依間沖啦！

菲比張狗牌...

沖完涼，影下相先啦！

咁先靚女，

佢今日係街到比人讚佢靚爆...

唔知點解佢今日成日笑笑口，

之前係街先會笑笑口比我影相的...

瞓到隻豬咁...