大無畏

臭B真係唔怕菲比！就算比菲比咬過佢都係唔怕！

菲比已經咬過臭B兩次！

第一次係我返工第一日！

姐姐唔知係咪抱臭B入我房蛇王！

仲要坐係我張床樹！所以比菲比咬咗啖！

佢仲要懶菲比跳高咬臭B！

但如果菲比一邊跳一邊咬！相信臭B唔會只紅無流血...

好彩臭B爸爸去咗美國交流！

如果唔係！實唔理三七廿一！打咗至算！

又好彩臭B媽媽識得分析！佢都相信如果菲比跳住黎咬臭B！

實會流血！佢都估姐姐蛇王蛇到我張床！

又唔敢同人講！所以編估仔黎扼人...

第二次就係我o既錯！

臭B企係BB床！菲比企係椅！

我見臭B摸菲比！佢無咩反應！

不停GOOD菲比！等佢知道臭B呢個動作係無惡意！

摸摸下菲比轉身！PAT PAT向住臭B！

臭B即時MUM佢條尾啲毛！

我見菲比又無反應！臭B個樣又好搞笑！

於是攞個電話影低佢！

點知菲比突然轉身就咬臭B手仔！

好彩只係紅咗！都係無流血！


兩日後我抱住臭B！我隻手包住佢隻手仔摸菲比！

佢縮開仲要擰轉頭！即係驚驚！

但隔多日！佢又自己摸菲比啦！

我相信菲比唔係有心咬臭B！

佢只係想警告臭B唔好再MUM佢條尾！

平時菲比有時都會跳上椅錫錫臭B隻手仔！

謝謝神秘人

真係要代菲比謝謝呢位神秘人！

經常都請菲比食零食！

菲比，點解有食食都唔識笑呀！

菲比﹕媽媽話要食咗雪櫃嗰盒泰國PIZZA先喎！

有得睇，無得食

菲比﹕我已經打咗手印！唔好唔記得比我食呀！

菲比與妹妹

哈哈哈！今次惡搞菲比個細佬布老飛！

菲比﹕我想瞓覺！唔好搞我...

菲比﹕媽媽好衰o架！

呢條都係壽壽o既！

因為太細條！所以我話送比菲比細佬布老飛著！

著完一齊影翻張相！

真係好可愛！

菲比﹕幾時先比我瞓呀！

OK啦！OK啦！

難得喜歡

菲比從來都唔肯入狗袋！

每次入去都要我千辛萬苦將佢塞入狗袋！

入到去都會不停掙扎想出翻黎！

但今次呢個透氣網袋！佢竟然肯入，

而且比我拉埋拉鍊都無問題！

唔講都無人知菲比已經係袋入面！

佢無不停抓袋要出黎！

就算開咗少少拉鍊！佢都無伸個頭出黎！

終於可以收埋菲比入袋搭巴士同小巴啦！

好可愛！佢係入面裝出黎！

見我影咗咁耐！終於都忍唔住要伸個頭出黎啦！

影影下差啲睡著咗！

菲比﹕媽媽個袋袋入面都可以望到你！

我係入面都唔驚啦！

希望個衰妹唔係三分鐘熱度啦！

貴婦兵團5,6月之星生日會@星宇天

菲比都唔知第幾次去星宇天玩啦！

玩境唔錯！食物都唔錯！

所以都會繼續幫襯！

係一個幾好o既狗狗聚會點！

哈哈！好似幫人賣廣告添！

唔記得幾多人幾多狗啦！大家自己收！

仲有幾位攝影師無入鏡！

毛孩應該齊晒！除非比人遮住咗！

剪咗新裝！對眼容易影咗...

只有灰灰可以拍咁埋

呢間房好多影相位！不過燈光就！

加上我o既影相技術...

灰灰！我要係菲比隔離！

灰灰﹕我話要係菲比隔望啫！

都無話要比2個女士包圍...

幸福滿瀉

壽壽有條一樣！所以即場送咗比米米...

回禮陣

灰以外都可以同其他狗狗坐咁埋！

當然唔係啦！佢不停想跳落地！

影咗好多次先影到呢張咋！

變靚啲

睇完龍船帶咗菲比去剪裝！

本來想試下剪貴婦裝，

都同老闆娘講咗鏟咀！

但一路行去接菲比都好擔心！

好怕自己接受唔到！

好彩老闆娘無鏟到個咀！只係幫菲比剪咗細咀！

原來菲比細咀都好靚靚！

返到屋企好攰啦！所以無咩耐性影相，

蒙蒙地都收貨啦！

仲買咗個透氣袋袋比佢添！

自願入去！

側面睇耳仔好似厚毛咗...

今次呢個裝好滿意吖！

第三次睇龍船

今年係菲比第三年跟我上遊艇睇龍船啦！

今年多咗臭B同我哋一齊睇龍船！

但就少咗媽咪一齊睇龍船！心情有些起伏...

臭B﹕菲比，你想點呀！笑得咁開心！又想搶我鏡！

臭B﹕姑媽，影得我靚啲吖！

臭B爸媽破天方咁比佢哋坐到咁埋！

仲比臭B拖住菲比條拖帶添！

菲比、臭B﹕影夠未呢？



影影下相唔記得邊個行埋黎聊臭B！

菲比即時E晒牙！真係好耐未見過佢E得咁肉緊！

人哋一走佢就...

臭B﹕點解菲比唔比人同我玩...

好耐都無抱住佢兩個一齊影相！

無記錯係應該未試過！

呢兩張相係同一駕船同一個位置影！

只係上面嗰張係今年！

下面嗰張係兩年前第一次睇龍船影！

今年變咗個傻婆！

開心菲

佢哋第一張影得靚o既合照！

好似每年都有係呢個位罝影相

今年都無失望而回！恭喜恭喜！