2011年7月31日 星期日

又買

成日都想去上海街買錫紙兜,


所以今朝諗住去上海街行下,


順便睇下有無玻璃雞蛋杯,


見出開去,就去咗深水埗先,


因為想買睡衣,


點知係深水埗已經買到攞唔到,


最後只去咗深水埗,無去到上海街...



哈哈!依包鹿根尋日係coco到買的...


將會係菲比九個月大生日禮物...


菲比﹕媽媽,咩o黎o架!好似好香喎!


我﹕未有得食住呀!等多幾日啦!


到妳九個月大時就可以食啦!


菲比﹕咁孤寒o架!比條o黎食先啦!


我﹕話明係九個月生日禮物丫o麻!


宜家比咗妳,


咁我又要買過份生日禮物,


菲比﹕面上出現三滴水珠...


汗顏...



連埋著咗一套,一共十一套睡衣,


兩套媽咪,一套腰腰,


其餘的都係我o既...



菲比都收獲豐富呢?



其實依個啱狗b玩多d,


不過見到好得意,


所以買比菲比豬...



精靈爸爸都將會係菲比的


九個月大生日禮物呢?好得意o架!


拍下佢會響的...


仲有幾個無影相,


留待十、十一個月生日...



想買比菲比一歲生日時著,


會唔會太早預備呢?


可能遲d會有d仲靚的,


唔理咁多,買咗先算,


反正平時都著得...



一百蚊三件~~1


好鐘意依件,佢無掛出o黎,


但揀o黎揀去都揀唔啱,


因為好多都係衫款,


我想買裙仔比菲比多d,


最後佢話睇下邊d有啱菲比,


結果比佢搵到依條...



一百蚊三件~~2


一睇就鐘意依條,


所以睇下搵唔搵到三件...



一百蚊三件~~3


依件本來唔係太鐘意,


因為係衫款,但拆出o黎睇又幾得意,


所以買咗,反正菲比唔係太多衫款...


 


買完上邊的物品,我都覺得好重,


但都諗住去埋上海街的,


不過街經賣毛巾的舖頭,


以$85一打同$95一打的價錢


買咗兩打毛巾返屋企,


所以再無去上海街的動力了,


因為都無力再拎其他o野!


無聊的星期日

七月的最後一日,


亦係一個無聊的星期日,


對我來講就係無聊,



但對菲比來講就比以往的星期日好,


因為全日都同我係埋一齊...



本來諗住帶埋佢去飲茶,


之後同阿嫂佢o地帶阿Q同菲比去反,


所以今朝試咗幾次入狗袋,佢都肯坐低,



淨係個頭係袋出面,


臨出門口,我阿爸話帶佢去,一陣...


我話飲完茶同阿Q一齊去反下,


佢話佢o地下陣返大陸,


阿Q都要過o黎...



開始有d動搖,不過又同菲比戴咗狗帶,


同佢講都係唔帶你去喇!



佢即時比個唔開心樣過你睇,


唉!無辦法啦!唯有試下...



睇下o唔ok,ok的話有下次,


唔ok的話就要等遲d再試過...



差不多到酒樓,想放菲比入袋,


佢c都唔肯,於是諗住放係coco到一陣,



但菲比又會咬人,個狗袋又無得困住菲比...


最後都係帶翻上茶樓,上半身係我大脾到,


下半身係我阿嫂大脾到,



我o地兩個就變咗單手人...


飲完茶落coco到傾咗一陣,



就同菲比返屋企啦!


無無聊聊又同佢影下相啦!



今日又幾合作喎!



真係無聊得很呀!


又搞下相啦!


今就一日...


2011年7月30日 星期六

無覺好瞓

菲比一向都黐身,


就連我瞓覺時都黐到實,


有時都比佢攪到無覺好瞓,


不過唔緊要,難得佢仲肯黐住我,


就由得佢啦!



d相係之前的,


因為仲見到床邊d小櫃仔。


趁堂妹係到,


叫佢影低菲比點攪到我無得瞓。


平時菲比最鐘意趁我瞓覺,


佢就係我個身行來行去。



仲要將佢張新床(我個枕頭)搬埋上o黎!



菲比﹕我想瞓得舒服d丫o麻!



我﹕咁您點解唔係瞓係床仔上邊...


菲比﹕我......



最後都忍唔住起身同菲比影下相先...



因為都係趁堂妹係到丫o麻!


如果唔係又要玩自拍...



衰妹有人同佢影相佢就識笑笑口...


2011年7月28日 星期四

絕唔絕育好

其實依個問題都諗咗好耐,


到底同唔同菲比


絕育好呢?



之前都有諗過如果要做


就係菲比六個月前做,



但有朋友話最好等佢起咗一次水先,


宜家又聽blog友話醫生話


起水前做第二時患乳癌的機會係零,


起水後做就仲有機會會患乳癌,



咁我係唔係要趁菲比仲未起水


就同佢絕育呢?



不過又好想菲比做一次媽媽喎!



真係諗到頭都痕埋...



最近依d相都影到菲比好愁呢?


唔通佢都知道我煩緊幫唔幫佢絕育...



菲比﹕媽媽,妳要幫我絕育,


係唔係要問過我先呢?


我都好想做媽媽喎!


(嘻嘻!全部都係設計對白)


 


其實係唔係要搵動物傳心術師,


問下菲比想唔想絕育呢?


我仲想問下菲比點解唔比人摸,


係街到人o地想同佢玩下,


佢就吠爆人...


要問其實好多o野都想問,


但唔知準唔準呢?


又唔知有咩途徑搵動物傳心術師呢?


2011年7月27日 星期三

美味午餐

又係菲比午餐時間,


菲比今個星期食過咩呢?



鴕鳥肉、雞柳加菜心...



睇下個衰妹心急到呢?



等食樣...



有一日焗開鬆餅,


整咗幾個無糖o既過菲比嘆...



鴨肉、雞柳、翠肉瓜蕃茄粥,


唔知係唔係太酸呢?


菲比食咗一半嘔喎!



又等食樣...



牛蹍、雞柳加翠瓜通粉...



依個等食樣真係可愛喇!



原來等食雪條...



一啖無咗lu...


今次帶菲比去沖涼特別


叫寵物店同佢d眼仔附近o既毛剪短d,我要見到對眼仔...


2011年7月26日 星期二

$99十二件衫

之前上網見到有人賣狗衫,


仲要係$99有十二件衫,


佢話狗狗大得快,


未來得及折個牌就唔啱,


有大有細九十九蚊十二件,


我都知唔會係全新的,


不過見到佢張相十二件衫疊埋一齊,


應該係比較靚的放面,


但就面頭果幾件我都幾鐘意,


所以就決定買咗佢啦!



睇下幾大埋頭...



依兩件太大件,


諗住比朋友兩隻北京狗...



依件我之前都想買,


不過又覺得太男仔,又無啱碼,


一係太大,一係太細...



仲有件黑色,諗住比芝麻仔,


但芝麻仔又黑色,


可能比糖糖...



狗仔禮服一件,又係黑色,


唔知芝麻仔著咗會點呢?



依條裙仔我都買咗比菲比,


不過就買咗十六碼,太大件,


依件十二碼,又好似太短喎!



狗bb工人褲...



都係狗bb的,好細條...



一大一細,好得意,


不過兩條菲比都唔啱著...



依條都好鐘意,


菲比應該啱著...



依件諗住比芝麻仔...



依條就係吸引我買依堆衫o既原頭...



依頂帽係送的...


 


依堆衫已經我加工清理,


因為實在太多狗毛,


我要續件用膠紙清潔,


之後洗乾淨先影相。


如果話係新o既就無可能喇!


我諗可能著過幾次,


所以仲好新淨...


 



菲比﹕唔係掛,又買衫比我...