2011年8月31日 星期三

加工相

搬咗新blog,可以係頂頂加相,

所以又整咗幾張,仲加埋我自己以前果d...


本來諗住用依張的,

但兩個樣一樣...



仲整咗第二個效果...



依張都唔錯丫!有兩張係擬似SNOOPY頭...



依張都可以喎!同一套衫的四格圖...



整整下都唔知點好,張張都好鐘意...


張張都咁靚,哈哈!(我自己覺得)


最後當然用咗係張啦!三張相菲比都笑得咁開心...



三張同菲比一齊瞓覺o既相...


菲比的第一天,我同菲比的第一張合照...


其他的都係第二D相LU...



很喜歡右邊果張相,兩個對望中...



真係好似小新娘同小新郎咁,

留意下邊兩張,一個開眼時一個合眼,

影咗好多張都無一張係兩個一齊望鏡頭的...



好愛小時條的腰腰,溫順又可愛...



細佬結婚時同我個寶貝影的,

大家都好鐘意依張相...




契仔三兄弟...

右手邊個頭最大最圓果個就係上邊個花仔...



左手邊果張係兩個扮波兒...

右手邊果張係...普通相一張...



與阿BE同QQ合照,珍貴的一張相,

因為阿BE細個D相全部無晒...



2011年8月30日 星期二

擠迫戶

平時我同菲比瞓一張三呎床係無問題的,

堂妹o黎到就瞓上格床,我同菲比都係瞓翻下格床,

但係有時腰腰唔肯跟佢大家姐瞓,

係都要同我o地瞓,都無問題,

只係有時會比菲比偷襲,錫佢個咀...

不過佢o地之前都係我返工o既日子o黎,

所以我返工時,菲比困籠,佢兩姊妹就瞓我張床,

宜家兩個都唔上上格床瞓,所以上格床用咗o黎放雜物,

但係暑假佢o地都會o黎,有時都會係我放假的日子,

所以搞到我張床要瞓三人一狗,

有時舖o野係地下比腰腰瞓,咁我o地就唔使咁迫,

但都二人一狗...



哈哈,用個公仔(姐)住我個殘樣先,

堂妹比較難瞓,佢一瞓著就會越瞓越過,

成日都要我推佢翻入去,而我就會瞓低小小,

比d位菲比瞓我頭頂,

對手唔夠長,影唔到點擠迫法,

如果腰腰係都要上o黎瞓,

佢就瞓我o地兩個中間,到時我就郁都唔使郁...

菲比﹕對於我o黎講無所謂,因為我都唔須要好多地方瞓,

只要可以同媽媽一齊瞓,我就會好開心...


2011年8月28日 星期日

鐘唔鐘意

其實都唔知菲比鐘唔鐘意夾夾仔的,
 
只係自己覺得靚靚,跟本就唔知道狗狗係唔係真鐘意,

佢掙札,不停抓,又會比人鬧...



菲比﹕我都話我唔鐘意夾夾仔啦!



媽媽﹕但係我買咗好多夾仔比你喎!



菲比﹕我一早都叫你唔好買啦!



菲比﹕又唔聽狗講...



媽媽﹕不過菲比夾夾仔真係好靚喎!

菲比﹕咁又係喎!
不過我唔夾夾仔都好靚喎!

媽媽﹕ZZZZ



菲比﹕媽媽又要我夾夾仔...



媽媽﹕都話你夾夾仔好靚靚丫!



菲比﹕我唔制呀!我今次唔會屈服啦!



菲比﹕媽媽點算呀!我變咗獨眼狗呀!


媽媽﹕我都唔知呀!唯有等佢自己跌落o黎啦!

菲比﹕要等到幾時呀!...


菲比﹕又要我戴口水肩...

2011年8月26日 星期五

榴槤黃金包

之前同事請咗四個榴槤黃金包我食,

一返到屋企就拿拿聲蒸o黎試下啦!



一睇我仲以為係馬拉盞添...



仲要係零反式脂肪,不含防腐劑及添加劑,

咁就當然要試下啦!



雖然我未食過D24馬拉榴槤,

但都聽講過係好好味的...



上面蒸包,下面蛤雞柳,

菲比依個禮拜胃口都唔好,

但都仲肯食雞柳,

不過就要我一小口一小口咁餵佢...



四個包包,我預備食你啦!

蒸好唔記得影相,

因為比佢D香味吸引住...



就連菲比都坐係廚房門口等食...



佢超鐘意食呀!不過又唔知可唔可以食,

最後都比咗小半個佢食,

係今個星期最積極問我要食的時候,

又點忍心唔比佢食呢?

佢仲驚死QQ同佢掙食,人o地QQ唔食榴槤的,

只係想走o黎聞聞d味道,菲比離遠已經吠爆QQ,

當QQ再行前D時佢就衝去嚇走QQ,

哈哈!係唔係真係咁好食呀!



四個包仔,比咗兩個媽咪食,分咗半個比菲比,

菲比仲好想食,但都係唔好比咁多佢食喇!

都唔知狗狗可唔可以食榴槤...

第二日問翻同事係邊樹買,佢話係一田,

$130兩盒,一盒八個,

嘩!原來咁貴o架!仲諗住叫佢買開幫我買幾盒添,

都係要考慮下先,咁o既價錢,

我買一隻榴槤食好過啦!


夾仔唔見咗

見菲比之前紮頭髮可以紮十個鐘以上,

今次就睇下夾住夾仔可以夾幾耐先...



菲比﹕又想整估我...



菲比﹕我唔望鏡頭睇你點影...


唔知點解菲比咀仔d毛真係好似唔多鬈...



又飛起晒,所以正面好難影到對眼...




菲比﹕媽媽,你自己就下角度啦!



咁樣影到對眼未呀!



媽媽﹕菲比,你係唔係有心事呀!

有咩唔開心同媽媽講啦!



唔好成日無晒心機,又唔食o野啦!

媽媽好辛苦先谷肥您小小,

宜家您又唔食人o野!

又瘦翻晒啦!



菲比﹕我唔要夾仔呀!



掙扎完一淪後發覺整唔甩d夾仔就...



菲比﹕我都係放棄喇!

......

......

大家估下我起身o既時候菲比兩隻夾仔仲係唔係個頭到...

......

......

......

......

......

......

當然唔係啦!仲要唔知去咗邊添...

死啦!會唔會係佢食咗呢?
 
我阿媽話實比菲比食咗,

(妳隻菲比咩都食,實比佢食咗啦!)

我話菲比唔會食d佢吞唔到o既o野落肚...

結果幾日後比我係地下到搵到...


兩個夾仔又成為菲比口中的亡魂啦!