榴槤黃金包

之前同事請咗四個榴槤黃金包我食，

一返到屋企就拿拿聲蒸o黎試下啦！

一睇我仲以為係馬拉盞添...

仲要係零反式脂肪，不含防腐劑及添加劑，

咁就當然要試下啦！

雖然我未食過D24馬拉榴槤，

但都聽講過係好好味的...

上面蒸包，下面蛤雞柳，

菲比依個禮拜胃口都唔好，

但都仲肯食雞柳，

不過就要我一小口一小口咁餵佢...

四個包包，我預備食你啦！

蒸好唔記得影相，

因為比佢D香味吸引住...

就連菲比都坐係廚房門口等食...

佢超鐘意食呀！不過又唔知可唔可以食，

最後都比咗小半個佢食，

係今個星期最積極問我要食的時候，

又點忍心唔比佢食呢？

佢仲驚死QQ同佢掙食，人o地QQ唔食榴槤的，

只係想走o黎聞聞d味道，菲比離遠已經吠爆QQ，

當QQ再行前D時佢就衝去嚇走QQ，

哈哈！係唔係真係咁好食呀！

四個包仔，比咗兩個媽咪食，分咗半個比菲比，

菲比仲好想食，但都係唔好比咁多佢食喇！

都唔知狗狗可唔可以食榴槤...

第二日問翻同事係邊樹買，佢話係一田，

$130兩盒，一盒八個，

嘩！原來咁貴o架！仲諗住叫佢買開幫我買幾盒添，

都係要考慮下先，咁o既價錢，

我買一隻榴槤食好過啦！