窩心的回憶

前幾日搵o野時比我搵翻的...

依個銀包無咩特別，

但對我就有著特別的回憶，

八年前係英國返o黎，

當時只有七歲的腰腰大家姐(砵砵)，

係我返到屋企就將依個銀包比咗我，

依個銀包係我阿爸買比佢的，

佢仲將我阿爸比佢o既錢放晒係入面，

佢比我o既時候同我講，

家姐，我知妳啱啱返o黎香港無港幣，

所以我比咗個銀包妳，

當時真係好感動，年紀少少，

就識為人設想，

最起碼佢識假設我無港幣...

抵我咁鍚妳的...

依封信係我去英國之前佢寫比我的，

當時佢應該六歲，

仲識畫連環圖添，

由我離開屋企去機場，

佢企係露台望飛機，

到駕飛機越來越細，到有獨立屋，

到落雪，

依d就係六歲小朋友認識的英國。

之後係英國都收過佢兩次信，

佢會一次寄幾封信比我...

每次見到佢問我幾時回來，

我都有即時回來的衝動...

佢將我臨去英國前送比佢o既書包畫係到，又話每日揹住個書包就好似同我一齊咁...

六歲o既小朋友原來有街去就覺得幸福，幸福原來可以好簡單...

落雪...

就係依封信，令我開懷大笑咗一陣，

因為當時好大霧，所以唔知對面馬路有人，可能個小朋友聽到我係到笑，所以同我打招呼，我先即時回應佢後急急腳離開，諗起都覺得好搞笑。

 

當時佢成時將d字左右掉轉，

到宜家佢自己睇翻都以為自己有讀寫障礙，但我睇翻就覺得好窩心呢？