2012年2月29日 星期三

失敗

星期日留堂學梳毛,

返屋企就係要照住師姐教o既去同菲比練習,

等佢適應把梳,唔好再驚驚把梳,

但係做咩都失敗o既媽媽今次都唔例外,

都係失敗收場,星期一比阿Q吠到無覺好瞓,

所以無同菲比做,星期二,做得唔錯,

但又因為自己心急,做多咗...

第三日仲衰,搞到菲比連個膠袋都驚埋,

唉!真係辜負咗師姐一番心機,

人o地義務幫自己,仲要比我還緊張,

真係覺得自己好無用,做咩都唔成功,

簡簡單單梳下毛都可以又嚇怕咗菲比o既!



其實都好想放棄,佢唔肯比我梳,咁咪出去沖涼囉!



但係師傅話要改善菲比,我就必須要自己同佢沖涼...



咁點算好呀!前前後後已經用咗成三個月時間令佢唔驚把梳,

但係始終都唔得,到星期日望住師姐做,

返屋企再同菲比做啫,都唔成功...



求救,當然激死師姐啦!


停止同菲比玩兩日,之後再試過...

2012年2月26日 星期日

26-2-2-12遊學團


等咗兩個星期,終於都到遊學團o既日子啦!

收工返屋企諗住整d狗狗小蛋糕請d同學仔食,

但因為太攰啦!都係瞓一陣先,

較咗鬧鐘十點起身預備,點知懶床,一拖又拖,

十二點先起身,梳洗,烚肉,同菲比換衫,

攪到一點三都未出到門口,見已經咁遲就慢慢來啦!

直接搭的士去返學啦!最後都係遲咗小小...



一上的士就超開心...



全程唔肯瞓,掛住望街,佢應該認得逢吉鄉條路啦!

一轉入去佢就開心到跳上跳落,一停車已經急不及待要落車,

好彩司機姐姐好人,等我執好晒d野先門車門,

門一開佢就一支箭走去百樂門口啦!

睇黎菲比都好鐘意返學喎!



依張係點名相,返學係用相黎點名,

咁就包唔會錯啦!



小菲媽幫我同菲比影相,返咗咁多堂都無咩正正經經同菲比影過相...

淨係影咗好多菲比背脊,今日終於都叫影咗d相喇!



Hi,丫boo,第一次見,估唔到真係咁大隻,

丫boo同另外一隻同學仔係我o地後面不停吠,

丫boo把聲都好d無咁響,另外一隻就...

菲比全程都極度不安,不停要我抱,

但一比師兄姐見到就叫佢落地,

依頭放落地唔夠五分鐘佢又跳上黎,我明白佢,

佢都係覺得環境不安啫,所以我都會抱佢,

師兄姐叫先放低佢啦!因為後面o既合唱團實在厲害,

由上堂唱到落堂...



丫boo好叻叻吖!第一堂就比個傻佬拖咗出去,

菲比果時上訓犬班都要第三堂先免強比師姐拖到...



係課堂影得最多o既相~~影后~~



唔見咗對耳仔,個樣當堂唔同晒,師姐話好似修女喎!

都好吖!希望依隻烈女可以變修女啦!

依堂菲比咬人呀!有個家長過黎聊菲比玩,

一路玩一路比食物菲比,到最後佢叫菲比hi完,

但手上食物無晒,我轉身相攞d食物比佢,

佢又起身走,唔知係佢起身時隻手舉起咗,

抑或菲比覺得佢未獎自己呢?一跳就咬...

唉!都唔知菲比幾時會突然咬人,

佢d動作實在太快啦!



菲比,妳知唔知咬人係唔啱o架!妳咬人,媽媽當災,

佢o地話下堂開始妳做錯媽媽再笑就丙媽媽喎!

唔想媽媽比人丙,咁妳就要合作小小喇!



依個係小菲,依堂坐係隔離,

菲比同佢媽媽都玩得好開心,好彩小菲媽無比菲比咬,

唔係以後都無人肯坐我o地隔離啦!


八掛小菲好可愛...



菲比,妳又做咩笑得咁開心呀!



總括黎講菲比上堂都係開心o既!



同學仔開始走啦!我o地要留堂學梳毛呀!


又見到丫boo佢o地玩跳欄,不過boo仔未敢跳,

因為boo爸跳完後望佢,我都忍唔住叫佢唔好望boo仔,

因為果時我都成日比人叫唔好望菲比,

係真o架!自己向前跑,跳,唔好理佢,佢自然會跟上...


師兄陪我o地留堂,順便車埋我o地返屋企,

菲比係車到又係唔肯瞓,所以一返到屋企就...

愛屎菲比依個瞓覺樣...

2012年2月23日 星期四

隔離飯香


阿Q自從做咗絕育手術後唔單止惡咗,

而且口味都變埋,七歲狗仔除咗狗瘟前食過狗糧外,

就淨係食BB糊仔同麥皮,但宜家竟然肯食乾糧,

咁佢過黎住,當然會食菲比o既乾糧啦!

所以就要兩個一齊開餐,因為唔可以攞菲比o既食物比阿Q,

而菲比又無得食,所以比阿Q就要比埋菲比,

但個衰妹自己果兜唔食,係都要食阿Q果兜,

唔通真係隔離飯香D,但果D都係佢o既飯,

都係佢平時食開o既!


仲要一路食,一路望住阿Q有無過黎搶食...



平時唔撈魚油佢邊有食得咁快丫!


一陣就食晒阿Q果兜,諗住佢食完阿Q果兜會食埋自己果兜,

都唔錯丫,成日都想佢肥d,但結果係佢食完人o地果兜就唔食啦!

依隻菲比瘦猛猛,原來都有九磅重,四個月打針時五磅幾,

十五個月去磅就九磅,(十一個月先重得三磅幾),

但佢個身又大咗好多,所以瘦猛猛咁...

瘦去街唔使咁重,但我始終想佢肥翻d,

個身圓碌碌可愛d...

2012年2月21日 星期二

美味蛋糕

依日經過Three dog bakery,好似自從菲比一歲後都無同佢慶祝過,

十三個月生日啦!十四個月生日都無喎!都話過咗一歲就咩都會唔做啦!

雖然今日唔係佢第十幾個月o既生日,但見經過,

所以就買咗半件蕃茄蛋糕比菲比試,

佢一陣就食曬啦!食完仲要lam lam添!



宜家可以買半件,十幾蚊,又唔怕佢唔食浪費食物...



諗住成件比佢自己咬,個衰妹咬兩咬就想成件擔上我張床到食...


都係切碎比佢好啲...



見對耳仔拖晒地,幫佢紥上黎先...



今次有得食都無得傾,一路食一路fing,

結果食完件蛋糕我總共幫佢紮咗五次耳仔...


菲比﹕好好味呀!仲有無呀!

下次啦!下次再食過...

2012年2月20日 星期一

懂性

尋日收工無瞓,晏晝去咗沙頭角,

夜晚去咗燒烤,返到屋企成五點先瞓,

第二日一覺醒來已經係四點幾五點啦!

半瞓半醒之間,手手摸下菲比係唔係附近先,

右手摸到菲比,再望下佢,

好似好可憐咁望住我喎!攞個電話睇下幾點先,

先知原來咁晏喇!但奇怪菲比同阿Q竟然無嘈過,

平時佢兩個實開戰唔知幾多場啦!

可能佢知我攰啦!無嘈過,無走黎偷襲我,

真係叻叻啦!抵錫...



菲比個身就係被窩入面,只伸個頭出黎,

從來都無依種菲比如此合作o既感覺...


菲比﹕



2012年2月18日 星期六

千辛萬苦



自從上次去完沙頭角後,表姐都經常問我幾時帶菲比入去反,

見今個星期唔使返學,就帶菲比入去跑下碼頭啦!

帶住菲比當然搭小巴會好D啦!

但係係大埔等車去聯和墟等咗差不多九個字,

揹住隻菲比都幾係o野!膊頭已經有d痛,點知去到聯和墟,

入沙頭角車條龍長到無朋友,

於是去行一陣啦!又仲招...

買完o野出黎見到條龍無咩人喇!即時去排隊,

結果加埋等咗成個鐘,揹菲比揹到膊頭勁痛,

上到車先醒起可以call的士,有d的士有禁區紙的,

點解咁遲先記起呢?入到沙頭角警崗朏到對面有海關係到,

敝家火啦!警察唔會睇袋,所以可以過到關,

但海關會睇袋,我又無帶針咭同狗牌,都唔知點走好...



去到就會合兩個姨姨啦!



要幫媽咪攞d野去舅母屋企,所以靖姨同菲比係樓下等,

因為舅母屋企九成人都勁怕狗,唔可以帶菲比上去,

菲比真係比以前叻咗好多,見到我時都會掙扎下想返黎,

但一陣就乖乖跟住靖姨等媽媽啦!



本來諗住又帶菲比去跑碼頭的,但我真係好攰,

所以叫兩個表妹幫我睇住菲比,我就過中英街洗頭,

貪佢有二十分鐘按肩頸,

因為去按兩個鐘又唔放心掉低菲比咁耐,

唯有洗頭啦!

菲比望住媽媽離開,比姨姨影低咗...



個樣好唔開心喎!



不過兩個姨姨咁錫菲比,一陣菲比就玩得好開心啦!





大家唔好以為係姨姨拉菲比上去,

其實係菲比差d拉咗姨姨落去就真呀!


玩玩下表妹發現有隻經常襲擊小動物o既狗狗向菲比衝過去,

因為表妹見過果隻狗咬死咗隻貓,所以叫佢家姐快d抱起菲比,

佢就想攞菲比個狗袋走,點知菲比一o野跳咗上個狗袋到,

仲想咬我表妹添,表妹見隻狗就殺到埋o黎就唔理比菲比咬,

一手抱起菲比,叫佢家姐抱住,佢再攞個狗袋走人,

其間菲比都不停想撲去個袋到,

返到表妹屋企後佢就一路趴係狗袋到,

邊個想掂個袋佢都會及邊個,直到我去到佢先跳翻落地,

但邊個一行近個袋佢都會即時跳翻上去...

平時個衰妹又唔肯入狗袋,無諗過佢會保護自己個袋...



見翻媽媽啦!仲咁唔開心...



同姨姨影張相先...



個衰妹話靖姨阻住佢錄梳化,想用腳踢開靖姨...



踢唔開就想用個無肉patpat撞開靖姨,

哈哈!間屋又唔係你o既!做咩要趕靖姨走呀!


菲比叻叻,仲肯飲姨姨比佢o既水水添...



今日o既戰利品,狗袋,菲比個snoopy狗袋爛爛地,

所以要換啦!


貓貓玩具



頸繩...


頸鍊


夜晚同表姐去咗巴希雅燒o野食,係沙頭角call咗成個鐘頭先call到的士,

由鹿頸去大尾督都唔使八十蚊,如果晏晝識call的士就唔使咁攰啦!