長期作戰

由於以前太就菲比啦！宜家要為佢好，

要成為佢o既領袖，真係好多壞習慣要改呀！

以前菲比會貼住我瞓，佢身體要貼住我身瞓，

佢最鐘意貼住我隻腳瞓，不過自從十二月尾開始，

佢就鐘意跳上我心口瞓，師姐話唔好再比佢瞓係心口到，

咁就想想辦法唔比佢上心口瞓啦！

之前試過將兩件我著過o既衫，一件舖係床仔，

一件就咁放係上面，等一晚佢就乖乖咁自己瞓啦！

佢咁樣望住我望咗好耐，我一路叫自己唔好心軟呀！

因為難得佢自己瞓係床仔到，唔跳上我心口...

點知第二晚佢又變回原形，我一瞓低佢就跳上我心口啦！

佢一跳上黎我就的翻佢去床仔到，

佢由跳到慢慢爬，以為我唔會發現，

又唔知自己有重量喎！結果都係比我的咗去床仔，

雖然覺得唔捨得，但為佢好，都要忍心一點啦！

菲比﹕我唔想自己瞓呀！

菲比﹕點解媽媽令次唔理我o既！

菲比﹕媽媽一次咁多丫...

菲比﹕又會咁忍心o既！