2012年11月29日 星期四

我的小公主

條裙咁靚,點可以唔影多啲相呀!

今日無端端又攞條裙出黎影下相,嘻嘻!


係咪靚到無朋友呢?

2012年11月25日 星期日

契仔宿一宵

好耐無見契仔,佢媽媽打黎叫打邊爐,

但淨帶細仔,兩個大跟爸爸去踢波,

到我哋食飽,佢哋三仔爺已經係樓下等我哋啦!

見咁耐無見,同佢哋去M記食杯雪糕,

傾下計先,點知大哥話想去我屋企瞓,

二哥又話要,下,菲比會咬人喎!

佢哋一齊話唔怕,哈哈!其實如果佢哋唔摸菲比應該無事的,

腰腰都係咁時時黎我屋企啦!

所以應承咗佢哋,一路行返屋企就同佢哋講,

千祈唔好無端端突然摸菲比呀!

要比舊零食菲比,然後慢慢摸佢...


黎到一齊影張相先啦!一開始有保持距離...



之後完全無問題,請咗幾舊零食菲比食就任攬唔嬲...

哈哈!兩個都無衫係度,沖完涼唯有著腰腰同大家姐啲瞓衣...



菲比仲成晚痴住細佬,又錫佢,細佬話菲比錫佢好得意,

好鐘意菲比呀!


但係第二日我就出事啦!

我送咗個公仔比佢哋,個玩具菲比都有,

因為會發聲,所以被人禁止再玩,

見仲有一個新係度咪比佢哋帶返去玩,搵個袋入住比佢哋,

然後就去預備菲比返學用品,

點知哥哥攞個玩具出黎玩,菲比好緊張,

我叫佢收翻埋先,返屋企先玩,我又掛住執嘢!

細佬又怕菲比唔比佢攞個玩具返屋企,

因為菲比坐咗係度望住個袋,細佬擔心,所以想抽高啲個袋,

點知菲比咬住個袋,細佬怕比菲比搶翻就大力拉個袋,

菲比甩咗口就一跳咬住咗細佬手指,

細佬大叫,我先係廚房衝出黎,

個傷口又大又深,心痛死人,

菲比就比我細佬的咗入房教訓,唉!

都預備出門口啦!先黎出事,仲要咬得咁金,

唔知點同佢阿媽講好,點知佢阿媽都無我咁肉赤,

可能我都係知佢阿媽係咁,先敢帶佢哋返黎...

今次證明菲比係一隻非常護物o既狗狗,

任何人唔使指意係佢手上攞走佢o既物品...


今日上堂有雜誌訪問,所以一張相都無影到...

2012年11月23日 星期五

伴你成長

可能真係因為臭B返黎後細佬無打過佢,

所以菲比對臭B特別好...

無論臭B點郁都好,菲比都唔會咬佢,

如果同一動作係腰腰做就...



每次抱起臭B,菲比都會瞓佢個位,好似怕佢個位會比人瞓咗咁



菲比﹕唔好瞓臭B張床呀!



唔知點解,覺得有DDDDDDDD似樣



成日都瞓係臭B毎身度



原來臭B都捉住菲比


真係好可愛,如果腰腰咁MUM菲比,真係大件事啦!

2012年11月20日 星期二

我家新成員

菲比都兩歲啦!係時候同佢搵個細佬妹啦!

但係我屋企咁細,屋企人連菲比都反對養,

點會比養第二隻吖!

唯有...


搵佢頂住先啦!

菲比﹕大家好,我細佬叫布魯飛,請多多指較...



第一日返黎已經好好感情啦!



一齊扮死



一齊玩



影相又要搭膊頭



呢張好正經



菲比話要教細佬開燈,不過教極都唔識,

唯有幫佢開埋啦!^^



你騎我時我騎你



菲比都好樂意同細佬分享玩具



仲讓埋間屋比佢瞓添



菲比﹕比咗間屋你瞓我瞓邊呢!

不如一齊拆屋,之後咪夠兩個瞓囉!



菲比﹕好似都係好迫喎!



菲比﹕我好眼瞓呀!



細佬你同史迪仔玩住先啦!



菲比﹕我又好唔捨得你喎



菲比﹕見係細佬你咋,第二個就...



連蛋屋都比埋細佬瞓


唔好再影啦!我熄燈瞓喇!


大家早抖...