兩個寶貝

一開始細佬就唔鐘意菲比接近BB，

仲因為咁想我搵人暫養菲比一年，

我當然唔會就佢啦！仲因為咁嘈咗幾次，

後來媽咪走咗，細佬唔想我搬開住，

怕爸爸唔開心，所以心平氣和咁傾過，

我乘機叫佢唔好再打菲比，

今次佢又好合作，真係睇住菲比轉變，

而且因為咁，菲比以為BB出現屋企人對佢好咗，

所以菲比好錫BB，影咗好多菲比同BB一齊o既相，

細佬完全唔知道菲比同BB每日都咁親蜜，

因為佢始終都唔肯比菲比接觸BB住，

但日頭得我同菲比同BB，我比佢接觸佢都唔知啦！

起初都擔心菲比會咬BB，

但事實證明，菲比唔係個個都咬^^

菲比瞓係BB隔離都零舍安心，瞓到擘開口...

我唔知菲比會唔會係臭B最好o既童年玩伴...

但我可以肯定菲比係陪伴住臭B成長，

同臭B一齊經歷學坐、學爬、學說話、學行...

我氹臭B瞓覺，衰妹係都要瞓係中間

無諗過臭B同菲比可以咁近距離接觸

臭B開始識得捉住菲比啦！但菲比無咬佢，尤得佢捉...好感動...