第二次探訪活動

菲比第二次參加探訪活動啦！

雖然知道菲比都唔可以參與d咩！

但都會盡量帶菲比去多d探訪活動，

等佢見多d人，望下其他狗狗點玩，

r其實每次開始前師傅都會同佢地做"蘇蘇Training"，

上次師傅遲到無做到，今次師傅安排一個師兄幫菲比同芝麻奶昔做，

我見師兄幫芝麻做緊，就同菲比坐埋一邊等下，

因為菲比之前唔敢坐果張搖搖椅，今日竟然肯坐，

所以都唔想起身，一齊係果到搖搖搖啦！

之後就夠鐘出去lu，所以菲比又無做到"蘇蘇Training"啦！

不過唔緊要啦！菲比都睇得好開心丫！

影張大合影先...

就係依張搖搖椅啦！之前菲比死都唔肯上去，

宜家自己坐都無問題啦！

果然自信高咗喎！

唔該晒奶昔芝麻媽幫菲比影咗d相，我掛住影人玩遊戲都無咩影菲比...

奶昔芝麻都識避鏡頭...

少爺尖表演玩滾筒...

佢真係好叻叻，一見到個滾筒就自己跳上去，

佢同菲比差不多大隻，個樣都有d似，師兄仲話不如對襯家喎！

好鐘意依張相，每次菲比玩跳欄都想同佢影相，

但我自己一個帶佢去，又唔好意思叫人幫我影，

所以菲比一直都無跳欄相，依張係第一張，

又影得佢好可愛，所以超喜歡...

糖糖表演，糖糖以前都係一隻細膽狗，

不過佢就有個唔細膽o既好媽媽...

煲呔強

祥嫂

芝麻

少爺尖

一家五口，如果煲呔強都係黑色就...

玩到反肚...依個就係跟進菲比o既專人喇！

芝麻，同奶昔講d咩呀！

本來想影奶昔同菲比頭貼頭，又影唔切添...

少爺尖真係好鬼抵死，勁可愛...

又識守籠門

祥嫂都得

跳籐圈都得...

唔知菲比幾時先可以好似佢o地咁聽話呢？