肥B八個月大喇

肥B(菲比太瘦喇！叫肥D先)

肥B今日八個月大啦！

見菲比瘦猛猛咁，又八個月大生日，

就整餐豐富D比佢食啦！

雞絲牛蹍蕃茄薯仔湯

菲比好似知道有好o野食咁，

坐係廚房唔肯走。

阿Q都聞到香味，走埋入o黎。

又一狗一兜唔使掙，

阿Q真係有口福呀！

揀啱今日過o黎渡假。

菲比有湯浸過o既乾糧佢肯食，

所以加咗乾糧比佢...

阿Q唔食乾糧，所以無加乾糧...

平時乾糧o既份量加咁多薯仔同肉肉，

菲比只係食淨兩粒乾糧，

今次仲唔變肥B...

但佢仲好似唔夠飽咁，

候住阿Q果份...

..

八個月大生日，今次送個狗袋比佢，

特登買唔同款，希望佢肯入狗袋，

可以帶佢去多D地方...

想影張個袋o既相都唔得，

佢想(娟)入去，

但入咗半個頭就退返出o黎...

都唔錯丫，最後佢肯入淨個頭，

曾經成個身入咗去半分鐘咁大把啦！

都算係好o既開始。

菲比咁開心，大家估下佢望緊咩呢？

菲比﹕快d比我啦！

今次唔係零食。

 

 

係佢第八個朋友仔呀！

影咗好多張先影到依張，

因為佢好心急，經常常咬咗個公仔去。

菲比，唔知到你一歲生日o既時候，

會唔會搵得齊十二個公仔呢？

哈哈！第三個朋友仔

已經比佢咬爛咗啦！

不過佢自己偷咗我個鎖匙扣，

咁啱又係佢咬爛

第三個朋友仔o既時候，

所以果個匙扣就變咗

佢第三個朋友仔o既替身...

 

菲比，媽媽祝您

八個月大生日快樂！

每個月都講o既身體健康！

聽教聽話...