嘆牛骨

買咗杜蟲藥比菲比，我星期一晚收工比咗半粒菲比，

佢連痾幾日軟便，師姐教路，停正餐，

只比牛骨菲比咬，即時落樓買牛骨啦！

$16牛骨可以分三袋，每袋都有4-5條，

每次烚一袋，都可以咬4、5日啦！

骨骨放入滾水烚3分鐘，千祈唔好烚到熟，

熟骨好脆，會拮穿狗狗o既腸o架！

菲比今日就咬依舊骨骨啦！

仲識得瞓係到慢慢嘆添...

一舊骨骨可以咬足一日...

菲比﹕我啲牙白唔白呢？菲比d牙本身都好白，

宜家咬過兩次牛骨後就白上加白...

菲比﹕咁我要努力d擦牙先得，唔知有無人搵我拍狗狗牙膏廣告呢？

另外將一舊一開二比咗一舊阿Q，

另一舊比埋菲比，因為係牛軟骨，

所以菲比食咗軟骨先...

菲比好怕我將D食物比阿Q，有時都會因為咁大打出手，

但菲比從來都唔會咬阿Q，反而阿Q就會咬菲比，

好彩阿Q得一隻尖牙！唔係菲比就大鑊啦！