是否我太心急...

二零一零年十二月八日

菲比來我家的第四日，發覺佢四日都無便便喎，

我試過同佢囉暖毛巾抹肚仔都唔得....

又成晚叫過不停，到底係唔係我決定錯咗呢？

係唔係我太心急接菲比返屋企呢？

一心諗住同堂妹住得咁近，有咩事都可以即時帶菲比返去，

所以擔粗粗帶佢返屋企，

最多無得瞓每三、四個鐘頭就餵一次奶，

但係無諗到菲比太細啦！只有四星期大就要佢同媽媽分開，

好似好可憐喎！菲比最初可以自己係籠到瞓，

兩三個鐘頭肚仔餓先叫，

但到後來就一見我唔到就會叫，

我一抱佢佢就會好安心咁再瞓過，

其實佢仲好須要媽媽的，所以今朝收工即刻帶佢返堂妹到，

佢一見到媽媽就即時撲去媽媽到飲奶，

我諗我真的做錯了...

菲比的奶，佢唔肯自己食，每餐都要我餵佢...

原來菲比係自己身邊時就好小同佢影相的，每日先得幾張相...

不過佢成日都唔肯望鏡頭，比佢激死...

難得的一張正面...

決定帶佢返堂好到，整多餐比佢食先，

因為我返工時佢餓咗成晚，

睇下佢條脷仔...

點知佢都係食咗兩啖就唔要，最後都係要我來硬來...

真係好唔捨得佢呀！不過為咗佢好，都係比佢返媽媽身邊多一段時間啦！

一返到去即時走去飲媽媽奶...

菲比真係好對唔住呀！因為我太心急，

令妳小小年紀就要離開媽媽，

雖然妳遲早都要離開媽媽，但最小都要等妳可以自己食糧，

我返工時妳唔須要捱肚餓先啦！

菲比，妳要好好享受在媽媽的身邊呀！

我遲d又要接妳返來啦！

不過妳成日都可以見到媽媽的，我o地住得咁近...