菲比有分離焦慮症

某日，師傅打電話o黎教我點訓練菲比去厠所，

因為每次我去沖涼，出o黎菲比總會係厠所門口放低咗幾兩，

傾傾下師傅話菲比應該有分離焦慮症，

我就諗起，菲比好細個時我去沖涼就會不停抓門，

門都比佢抓穿咗個窿，

之後個門比佢抓到穿晒窿，要用膠片貼住佢先抓唔到...

師傅一講，做媽媽o既就覺得自己好無用啦！

竟然咁都唔知菲比有分離焦慮症，仲以為佢咁痴纏，

見少一陣都唔得，菲比，媽媽真係無用呀！

做咩都後知後覺，好彩有師傅同d師兄師姐咋！

如果唔係可能依世媽媽都唔知道你咁驚同媽媽分開...

師傅同師姐教每次去沖涼時比件我著過o既衫菲比，

等佢可以掛住咬我件衫唔去厠所門口大小便...



見佢咁鐘意我d嗅衫，就舖係佢張床仔到，

佢竟然自己走上去瞓覺，仲成晚無跳上我心口到瞓添，

就順便訓練埋佢自己瞓...

不過只係一晚咁多，第二晚佢又跳翻我心口瞓啦！

我當然唔比啦！為佢好，一定要忍心一d啦！

某日沖完涼出o黎！厠所門口無尿，菲比又唔見咗，

原來個衰妹著住咗我件衫，係我張床瞓咗，

妳個百妹仔丫！平時同妳著衫就除除除，

宜家自己著住件衫，仲要著埋我件衫...

好得意丫！唔知佢點樣自己著咗我件衫o架呢？

菲比，唔好嘈住我，我好眼瞓...

哈哈！菲比，妳要快d解決依個問題呀！

遲d熱d，果件就真係嗅衫喇！

依服的煩腦

買咗好多衫比菲比，所以差不多每日都同菲比換衫衫，

但屋企人又唔鐘意狗衫同人衫一齊洗，

所以菲比d衫一係我自己手洗，一係就同我d床單一齊洗，

有時多衫就會同佢舖籠巾巾一齊洗...

菲比﹕我都話我唔鐘意著衫啦！

仲要買咁多衫，唔買咪唔使洗囉！

一舉兩得...

每次洗完d衫都係掛係我間房，一個依架掛幾件衫...

一個一月就著咗咁多衫...

(有一兩件係十二月著o既！ 因為要手洗，我仲未洗...)

菲比﹕等我睇下邊件咬得o既！幫你咬爛佢，

咁就唔使洗啦！

某日，拎起電話菲比好開心喎！

佢好耐都未試過係屋企對住相機、電話笑啦！

影低佢先...

遊學團

等咗三個星期，終於都到返學o既日子啦！

菲比每次返學都會好開心o架！不過今次最衰都係媽媽，

唔記得帶拖繩，搞到菲比無得跳over，

後來好彩有人借咗條拖繩比我o地，菲比先有得落地咋...

宜家每區有唔同o既師兄師姐負責，

菲比仲犀利，有專人負責添...

師兄到之前跟菲比個師姐講o既其實都係一樣，

不過師姐就講得比較急，同埋講完做完試範我返屋企再試，

可能佢知我係果到都做唔到d咩啦！

而師兄就會即時做一次比我睇，之後要我做比佢睇，

都會好驚o架！不過佢就會即時話比我知咁樣唔得，

咁樣唔得，幾時good佢，係身邊提我good佢，

反而效果都唔錯喎！即時改善咗菲比吠大狗o既情況...

今日有個師兄車我o地返屋企，真係慳翻唔少時間呢？

菲比返到屋企都係九秒九瞓覺...

套衫仔咁靚，想同佢影多d相都唔得，十分唔合作...

唔影相玩下指令啦！

依日菲比終於識得扮死啦！

sit

down

bang

又死得幾可愛喎！

菲比話，扮死之麻，好簡單啫，

瞓係到就有o野食...

換件睡衣再試過...

初六彭福遊

初六約咗壽悠灰、三水仔同布布去彭福反，

去到先知壽媽約咗好多朋友仔，

原來佢o地依日係團拜...

本來著咗賀年服，不過太熱啦！要做光豬菲比...

出街影相係開心d...

係街外，菲比好少會問人攞食物，

亦唔會同狗搶食，所以依d等食相，

好少會影到菲比...

查媽整咗蛋糕慶祝jaja生日...

菲比好鐘意食，一啖一啖係咁食...

依兩隻小鬼一狗擔咗一件自己食，所以要比爸爸抱起...

想影張菲比偷食相都唔得，指埋比佢睇邊到有蛋糕，

佢都唔會話去聞下，如果係屋企都咁乖就好lu，

張枱就唔使除咗食飯外就咩都唔放得...

jaja好搞笑，成日都搵壽壽...

大合照，咁多狗狗好開心呀！

依兩個係唔係貼錯門神呀！係都唔肯企埋一齊影...

整咗d蛋糕仔，唔知會有咁多人去，唔夠分添...