二零一二年的第一個日出

二零一一年因為菲比太細，所以無得同媽媽一齊去睇日出，

今年，難得有人陪媽媽睇日出，於是帶埋菲比一齊去睇日出啦！

媽媽三十一號晚去咗旺角食飯，然後睇十二點半，

之後返到大埔又食下o野，到屋企都成四點啦！

執下o野，同菲比出門口已經四點半，坐的士入去，

一去到提霸已經好多人，又好多垃圾，

點解d人咁無公德心o架！食完o野d垃圾又唔掉去垃圾筒，

搞到一地都係垃圾...

好彩我o地都搵到地方落腳，

舊年好凍，凍到我成個人都振晒，

所以今年有備而來，連瞓袋都帶埋...

今年個日出會係大約七點出現，根據舊年經驗，

通常都會遲，要到七點三先出現...

同菲比影咗好多自拍...

其實依日個提霸好多蚊滋仔，

係好多好多，個袋放係到唔毓，一陣就可以舖滿蚊滋仔...

一度想放棄，但又差不多日出啦！

最後都係等多陣...

等咗好耐天都光晒，個太陽仲未捨得出來...

菲比，妳唔好表演跳淡水湖呀！

帶錯咗頸繩，條項繩太大條，成日都甩繩...

後來發現咁樣係件衫到穿出黎，

條頸繩無咁容易甩...

又自拍...

菲比﹕到底我o地係到等咩呢？

見無o野做，就同菲比玩下指令啦！

都幾合作...

唔知係唔係肚仔餓，比平時仲聽話...

表姐同佢影相...

你影人時人影你...

太陽終於都出黎啦！

邊個攞相機o架！又唔影埋個太陽...

d自拍相好滿意丫...

都幾多人睇日出，有好多人因為太多蚊滋，

所以走咗啦！

依張似樣d，起碼影埋個太陽...

其實拋咗菲比好多似，

不過攞相機的人兄影相投術實在太好啦！

有埋連拍，都可以成日影唔到被拋高咗o既菲比...

係時候要走啦！落到去仲要同菲比清理毛裏面o既蚊滋...

想菲比企係到影張相都唔得，因為佢唔肯...

停低清理下身上o既蚊滋，發現條褲又有血痕...

菲比隻腳仔又流血啦！不過唔係平時經常流血o既位置...

我件樓，我條褲都有好多血蹟，用濕紙巾抹下，

都仲有咁多血...

一場黎到，飲埋茶先走啦！

走時發現一班跑車發燒友係到，

依駕聽聞係今日全場最貴o既跑車，

要二仟幾萬...

依班係影相發燒友，好似追明星咁追埋出馬路...

依兩駕車最多人影

我見有好多都係十幾歲，宜家d年輕人鐘意玩追車...