長洲遊

終於的起心肝帶菲比去長洲啦！

第一關坐巴士，菲比由入狗袋抓到落車，

差不多到仲開始細聲吠添，真係有驚無險...

到搭船啦！買票上船，行運貨通道，

唔使排隊，唔使同人迫，唔錯，但唔明點解要收佢錢，

但要入袋，唔佔坐位，咁點解要收佢錢呀！

我不如好似坐巴士咁屈蛇啦！

不過就咁抱住佢上船都無人理，所以比錢都比得甘心d...

去程駕船仲有位，所以菲比都有位坐...

依兩個掛住打機

一去到長洲就食炸雪糕，

其實係雪糕糯米滋，加粉再炸...

三個背影

開始試下將d肉肉放入口，

因為我之前好怕果陣凍肉味，唔敢將d肉放入口，

宜家都唔敢，最多用牙咬住...

難得影到菲比咁正經望鏡頭...

想偷飲汽水...

依間o野d海洋幾好味，不過貴咗dd，乾炒牛河都要$78，

我o地兩大一小食咗成$400，係午餐咋喎！

好彩帶咗師姐借比我o既零食袋，唔記得咗長洲好多單車，

但都無諗到今日有咁多單車，菲比不停吠吠吠，

一見單車就吠，我就不停係佢吠之前就GOOD...GOOD...GOOD，

好似顛婆咁...不過菲比之後有兩個零鐘無GOOD佢都無吠單車，

當D單車透明咁，我都可以休息翻兩個鐘...

係兩個鐘咁大把咋！臨走又吠翻...

好怕佢整親個口，但又想比佢自己試下，

佢都可以自己食到兩隻瀨尿蝦...

特大魚蛋

東風螺，麻辣我食唔到...大家姐一個食咗幾粒都唔要...

去洗手間，叫佢o地睇住菲比一陣啫，

睇下大家姐個樣...

菲比見翻媽媽幾開心，

咩事呀！砵砵姨姨蝦妳咩...

沙灘唔比菲比入，就連抱住佢同佢o地影相都唔得...

唉！香港o既狗狗真係無咩o地方係可以合法進入o架！

唯有同菲比去茶座坐下啦！

睇o黎菲比好想去沙灘玩喎！

有肉肉都唔食...

成日都想食波蘿...

依到幾好，又可以望到佢兩姊妹玩...

玩夠啦！係時候又去食過第二樣...

腰腰走入o黎抽水，食晒我d波蘿，淨翻d涼粉比我...

排晒長龍買依兩樣食物...

依個腰腰o既食相真係呢？

依張相感覺好似抱住隻毛公仔...

有d似加長耳版黑色SNOOPY

好鐘意依幾張相

腰腰又要錫錫

個衰妹玩到唔捨得瞓，對眼就o黎睜唔開啦！

大家姐用手指指住佢，佢就e牙啦！

菲比﹕唔好指喇下，我真係會咬妳o架！

嘻嘻！講笑啫，睇翻相先覺得菲比依幾張相好似變臉咁...

菲比今日又咬人啦！腰腰朝早比佢咬瘀咗隻手，

之後都不停比菲比咬，但都唔係太大力，

係船上面腰腰想拍我，點知菲比一咬就咬住咗佢隻手指仔，

仲唔肯放添，真係比佢嚇屎o架！

後來腰腰自己扯翻隻手指出o黎，竟然無流血喎！

菲比，妳再咁咬腰腰法，連好鐘意妳o既腰腰都唔要妳o架喇！

到時就真係無小朋友同妳玩啦！