爆炸學府家長會

今日又係返學o既日子啦！

等咗三個星期，終於都到依日喇！

菲比啱啱遇著起水，而媽媽又唔知道起水唔可以返去，

當然返咗去都無趕我o地走，

好彩同菲比包咗片片，因為包咗片片，

所以菲比今日要著衫衫上堂啦！

今日唔知係咪起水關係，菲比表現明顯差咗，

無咩動力之餘又唔肯聽指令...

之前都肯上滾筒，今日連行近d都唔得，

玩藤圈時又比我扯一扯，佢唔知未預備好定唔想玩，

雖然過咗藤圈，但成隻跌咗落地，可能比我嚇怕咗啦！

之後見到個藤圈都唔肯行過去，最後要跳翻呼拉圈...

不過菲比宜家都肯比人拖住，行就唔知得唔得，

但對方坐係到拖住佢，

而我又係佢視線範圍佢都可以乖乖坐係到等我，

之前邊個想掂佢條拖帶就想咬邊個啦！

宜家仲會乖乖望鏡頭，比個開心樣過我影添，

唔知佢係咪知道我影完會拖翻佢，

所以非常合作比我影，想我拿拿臨影完拖翻佢呢？

同學仔媽媽整o既飾物，本來應該戴係頸，

我試下戴係頭先，出來效果又唔錯喎！

幾靚吖！

今日有同學仔生日，所以帶咗狗蛋糕返來，

而我知道佢會帶狗蛋糕，我都話帶蛋糕返去，

等人狗都可以有蛋糕食，而朋友知道我會帶蛋糕帶菲比去返學，

就話整兩個比我帶返去，當係生日禮物喎！

真係多謝晒啦！

個狗蛋糕好靚呀！唔知我幾時先可以整到咁靚o既蛋糕呢？

整蛋糕唔係問題，係裝飾個蛋糕就大問題，

一d都諗唔到可以點裝飾d蛋糕...

大合照，無晒d大狗，個個都話唔想抱...