復活節之星宇天

復活節要同朋友仔聚一聚，

自從認識一班愛狗朋友後，

一有狗狗聚會，其他聚會都要行埋一邊...

好鐘意佢呢堆公仔，最衰無帶相機，手機影得麻麻地

人哋啲大機影得菲比好靚靚，

美中不足o既係個頭比我剪到好肉酸

復活節當然要影啲復活蛋應下節啦！

為食豬

又係好混亂o既大合照！

三個公仔

無聊影

有日瞓醒又唔見咗菲比，搵晒成屋都唔見，

平時我一起身佢實跟住我去洗手間，

點解今日唔見佢o既！唔通爸爸關房門時唔為意菲比係房，

困咗菲比係佢間房，打開又唔見，

再返自己間房睇睇...

就咁睇扁扁的，無諗過菲比會係下面，

但全屋搵過晒都唔見佢，都要睇下係唔係度啦！

打開一睇，真係係度，連佢個臭B都係樹，

真係估佢唔到，點解咁鐘意收埋自己黎瞓...

菲比﹕影夠未，我要繼續瞓啦！

臭B﹕我好鐘意跟姑媽，爸爸媽媽唔使咁快返...

臭B﹕點解放我入個盒，唔係想將我寄去挪威搵爸媽吓！

臭B﹕快啲放我出黎

臭B﹕菲比表姐，快啲救我啦！

棄嬰

臭B爸媽去睇極光，

將臭B遺棄係香港！唔想佢日夜對住姐姐，

所以夜臭B就跟我瞓，

本來諗住同臭B係我爸房瞓，

但我阿爸實在太嘈啦！搞到成12點臭B都唔願瞓，

於是就抱臭B過我房瞓，話之佢兩公婆唔鐘意臭B同菲比瞓啦！

邊個叫佢哋掉低臭B自己兩個去玩咩！

菲比﹕點解臭B咁夜會係度o既！

臭B﹕Yeah！有得同姑媽瞓

真係失禮晒，女仔之家瞓到咁o既樣！

個菲比豬見臭B瞓咗又走埋去瞓



可能啲毛拮親臭B啦！所以臭B送咗較剪腳比佢...

去個厠所返黎，臭B就瞓成咁啦！

最後將菲比抱過我枕頭前瞓，等佢唔使整醒臭B，

所以佢攬住自己個臭B瞓！

菲比靚衫

縱使明知菲比太多衫，

但係仍然會買，因為實在受唔住引誘...

右邊嗰條睇中好耐，天餓嗰條係蛋糕裙，所以好鐘意

係咪好靚呢？

呢條實在太鐘意佢個PATPAT啦

呢件買比悠悠o既

呢件送比灰灰生日禮物，仲有第二件，無影到相

又係最愛o既紗裙，一次過買咗四條

菲比著黃色都幾靚o架！

呢條最貴，咁紗最靚

呢條上半身似睡衣

呢條最平，但又最靚，前睇後睇都咁靚，

由加細到加加大，仲欠加大碼就買齊六個碼，

加加大同加細o既分別，細條實在太可愛啦！