慢慢康復

菲比返到屋企，四個鐘頭後比水佢飲，

飲咗唔夠半個鐘就嘔咗一大灘結結地o既水，

仲有前晚趴地食完未消化o既食物...

所以當晚都唔敢比糧佢食，

點知第二日菲比都仲未肯食嘢！

好彩大小都去咗，師姐叫唔使擔心，

第三日都唔食就比啲保礦力溝水佢飲，

好彩菲比第三日終於肯食...

見菲比行黎行去瞓唔著，幫佢除咗個頭罩，

反正傷口比我包到實

之後嗰然瞓得好咗

戴翻個頭罩就...

入完蛋屋後個花花頭罩就變成咁啦！

但係佢又好似瞓得好舒服喎！

又識搵大口攬枕黎托住個頭...

怕佢出入蛋屋會夾硬黎，

所以搵個大口仔塞住個入口，

點知第二日瞓醒佢就將啲公仔同攬枕搬晒落去...

仲突然唔知做咩，擔住隻雪橇公仔不停奀奀聲，

聽見都心痛，唔知佢係痛定係咩原因呢？

奀足一晚，唔知佢係咪以為自己去咗生bb呢？