菲比BB

由手術第二日開始，菲比就擔住隻公仔四圍走，

去到邊擔到邊，比食物佢佢都要將隻公仔擔返房先，

食完先入去擔翻，差啲連去厠所都要帶埋隻公仔...

話說之前佢擔住隻公仔奀咗成晚，搞到我都無覺好瞓！

所以好似臨天光先瞓到，一覺瞓醒都已經成兩點，

打開眼聽唔到菲比奀奀聲，用腳感覺下床尾有無菲比，

又喎！以為佢去咗蛋屋瞓，起身裝下又唔見，

瞓翻低時可能瞓過咗，聽到菲比o既呼吸聲，

一望，原來菲比又自己做咗個安心窩...

個枕頭原本係貼住張床，個大口仔就係枕頭上面，

比菲比搞到咁

佢係呢個安心窩瞓咗好耐，我見佢係裏面好似好舒服，

所以肚餓都唔起身煮嘢食住，等佢灘多陣，

灘灘下佢就伸個頭出黎裝下我，

可能想去洗手間啦！於是我起身行出廳，

佢真係即時開小，仲好多添，唔知忍咗幾耐呢？

某晚有啲凍，所以同佢著件衫穩陣啲，

費事身體未復原又病啦！

又係一覺醒來o既景象，

將啲佢鐘意o既嘢都搬晒落地，連狗袋都唔放過...

開始有翻啲笑容啦！應該無咁痛喇掛！

始終公仔不離口，連瞓覺都要擔住，

同師傅講，佢話由得佢，仲可以幫個公仔改名臭B，

等以後我哋叫真臭B時菲比會聯想佢好鐘意...

攞住菲比個臭B引佢影相，佢眼都唔眨咁望住...

臭B﹕我唔制，菲比表姐有花花我無...

臭B﹕等我笑下搶下鏡先

菲比﹕我夠識笑啦！

三個公仔

楚河漢界

睇黎臭B都好鐘意呢個大口仔喎！

菲比坐咗係嗰個位起碼有廿分鐘，

一直無毓，睇住呢個臭B玩，

佢個臭B比佢壓住咗...

抱走咗臭B，佢就要休息啦！

菲比﹕影夠未呢？我係病人，要休息多啲...