大埔安建獸醫好？唔好？

二零一零年十二月二十日

今日想帶菲比去大埔安建打針

本來想帶佢去寶湖果間，

但上網睇依間幾好，

所以帶佢去啦！

一去到先登記，登記果位職員問我菲比幾大，

我話佢十一月七日出世，

佢就問係邊到買，我話我堂妹自家繁殖，

佢就問係唔係得一隻，

我話唔係仲有兩隻，

佢就話點解唔帶埋o黎，

我話佢o地自己主人會帶佢去打針...

佢又問我o黎做咩，我話打針...

之後就等見醫生...

入到去醫生話菲比太細，唔可以打針！

因為怕佢咁早打針之後第三針會無效，

跟住就同佢探熱同睇下d牙仔，

跟住就睇完，之後就收我$230，

我覺得好唔值囉，

因為我一早話咗比佢知我係帶菲比o黎打針的，

點解佢唔同我講菲比太細唔打得住，

你仲見唔見醫生...

佢完全無講到囉！到我帶菲比入去見醫生先講...

淨係同佢探熱同睇牙仔就收二佰幾，

真係好唔值喎...

其實我上網睇好多網友都係d狗仔四十四日大就帶去打針的，

點解安建唔同菲比打呢？

係唔係佢o地想我去多次，

比多次診金呢？

所以我決定帶菲比去元朗專一打針...