菲比又有禮物

今日菲比收到佢細佬個主人送o既衫仔，

糖糖個主人真係客氣，

買咗幾件衫仔比菲比同芝麻，

我都只係係佢o地兩個禮拜大時買過一件比佢o地，

之後都淨係買比菲比...

依件唔知係買比芝麻仔定菲比，

佢話粉紅色的係菲比，所以我攞咗...

依件我之前都想買，不過無菲比個碼...

依件我都買咗比菲比，仲要係一樣碼，

糖糖主人叫我要粉藍色，唔使菲比兩件一樣，

我又唔想芝麻仔男仔要著粉紅色，

所以都要咗粉紅色。

返到屋企先知原來兩件唔同質地的。

依件係我見到好鐘意，但菲比實在太多衫啦！

所以買咗十四碼，等佢下年著，

仲可以同媽媽著母女裝添，

因為都買咗件紅色比妹妹。

依件係我要菲比契爺買比佢過年著的，

攞上手軟綿綿，好舒服，如果唔係有人比錢，

我一定唔會買依個碼，

因為只可以著一兩次就唔啱著！

而且都唔平o架！

菲比試狗帶，宜家都覺得對翼好細對，

不過又較到最短，仲有排可以放...

可能我鐘意對翼大d啦！

難得影得佢靚靚，當然要同大家分享啦！

菲比﹕我係大頭狗...