3碼衫

衰妹，衣幾日咁凍，依頭同佢著衫，果頭佢就除翻出o黎，

搞到我要搵翻d3碼衫比佢...

上次去朗朗度沖涼，見佢有d衫放係度，

所以睇下有無啱菲比著o既！又平平地o既！

等我買返去比菲比當睡衣...

摷咗好耐先摷到兩件又平又靚o既比菲比，

一件係上一編blog果件，

即買即著，老闆娘見菲比著得咁靚，日

就將最後一件三碼留翻比朗朗...

菲比呀菲比，點解妳越大影相越唔合作o架！

宜家好難揀相喔！張張唔係無望竟頭，

就係無o黎神氣...

影影下又表演除衫...

不過，3碼佢係除唔到o既...

點fing都無用o架！

菲比﹕點解除唔到o既...

本來想同佢o地影翻張情女裝的，

但兩個都唔合作，走o黎走去...

佢就係朗朗啦！

真係一張合照都影唔到...

最後就係我將佢o地兩個抱起，

雖然見唔到菲比果件，

但都總算係合照...

件衫係我o架！搞錯晒喇！

每次換衫件衫一除，菲比就會擔咗去，

每次都將我件睡衣fing來fing去，

唔肯比翻我，見妳咁鐘意就由得妳玩到夠啦！

反正mama返工要咁好幾個鐘先返，

就等妳聞住mama陣除，可一解相思之苦...

哈哈！咁我使唔使帶菲比件衫返工，一掛住佢就聞下呢？

菲比﹕件衫媽媽o架！

菲比﹕我知喎！

我想攞住媽媽件衫，等媽媽唔好走丫o麻！

菲比﹕唔好搶我件衫呀！

件衫有媽媽陣味o架！

宜家加埋我d口水味添呀！

菲比﹕媽媽可唔可以唔走呀！

妳話呢？

安心窩可安心

自從師姐建議比個安心窩菲比，

我就執咗個安心窩比佢，

點知菲比就淨係執好後我抱佢入去影下相，

之後果晚入去瞓咗個零鐘頭，

就無再入過去啦！

於是就問下師姐有咩辦法，

照住佢教o既去做，菲比係第二晚就入咗去瞓啦！

之後每晚佢都會係安心窩到瞓，

直到我瞓覺佢先會跳上床同我一齊瞓。

其實安心窩對於細膽狗係幾好o既一個安身o既地方。

如果菲比習慣咗個安心窩，咁第二時有咩突如其來o既事，

佢感到不安o既時候佢都會走入安心窩到，

唔使走o黎走去唔知去邊好，

菲比芝前個安心窩(佢自己覺得)就係枱底，

當時佢有咩事都走入枱底...

宜家佢會走返依個安心窩到，

而且吠叫o既情況明顯改善咗...

睇下菲比瞓到丫！

菲比，您發夢食緊咩呀！

真係好攪笑呀！

比佢發現咗添...

又瞓過。

菲比﹕媽媽，妳仲未影夠咩...

轉個姿勢唔比妳影先...

菲比﹕到底妳要影到幾時呀！

快d熄燈唔好阻住我瞓覺啦！

菲比的第一堂遊學團

27-11-2011

菲比第一堂遊學團，上堂都係玩下，教下旨令，

其實看似簡單，但對狗狗真係好有幫助的，

佢o地從中會學到服從同等候，仲可以訓練一d好似菲比o既細膽狗，

等佢o地提升自信，我諗菲比都係上咗之前果六堂先會無以前咁細膽...

個衰妹人o地同佢影相，佢自動自覺望鏡頭...

等緊bbq，諗住同佢影下相，點知我一行遠d佢就sir落去...

菲比有無咁攰呀！

睇下佢飽到，盒肉肉佢佢面前都唔食...

依日佢對師傅o既敵意無咁利害啦！

可能係我無咁驚師傅啦！

師傅開始幫佢忘記d唔好o既記憶...

佢依日都好叻，都有其他師兄師姐拖到佢，

之前淨係跟進菲比o既師姐先拖到佢咋...

雖然開始都有掙扎，但拖拖下都肯跟住佢o地行，

當然唔可以行太遠啦！

菲比，笑得咁開心都無用啦！您係無得食o架！

師傅同下胃ee表演...

太遠啦！影得唔係咁清楚...

返到屋企菲比瞓到...

菲比第一次去彭福公園

菲比今日約咗壽悠灰同三水仔去彭福玩，

去之前都擔心菲比會唔玩，

又唔比人摸，又怕佢會咬人，

淨係識得痴住我，唔去玩...

點知菲比一去到就自動波走去玩啦！

菲比從未試過自己離開我咁遠，

自己去搵狗狗玩...

菲比最鐘意同灰灰玩...

每次菲比跑去壽壽到，壽壽都會扮死...

灰灰，你好嗎？

後來菲比轉移目標，經常都搵悠悠，

只限悠悠比人拘住o既時候...

三水仔原來叫淼淼...

依日天氣涼涼地，又唔係太多狗，所以佢o地都玩得好開心呢？