2012最後一擊錦田鄉村俱樂部

呢日係今年最後一日，

謝謝壽媽搵埋我哋一齊去反，

唔係菲比又要屈係屋企啦！

菲比﹕有得去街就最開心

菲比﹕點解呢度同平時唔同o既！

雖然話今日係最凍o既除夕，但一啲都唔覺得凍，

跑跑下仲要除衫添...

菲比﹕悠悠，不如我哋一齊反啦！

悠悠﹕我都係怕咗您

呢日菲比好鐘意灰灰，去到邊都追住灰灰...

所以大部份相都係影到佢兩個

菲比﹕點解你咁大隻o既！

悠悠﹕佢係羊，唔係毛孩黎o架！

玩玩下灰灰被罰中，菲比係附近等灰灰...

佢視線無離開過灰灰o架！

壽爸一放灰灰落地，菲比即時衝前換佢...

菲比﹕灰灰，唔好周圍走呀！唔係又比你爸爸罰o架！

非賣品

臭B爸媽買咗隻鴨仔袋比佢，

拎咗隻公仔出黎見到個盒，

我呢個咩都影一餐o既人又點會放過呢？

呢個公仔唔知有無人買呢？

又咬人，又唔比人梳毛，仲勁痴身...

菲比﹕點解要賣我...

臭B﹕坐得好舒服喎！

臭B﹕下點解要賣我同表姐呀！

臭B﹕我哋咁可愛，真係捨得買咗我哋...

你兩個都咁可愛，我又點會捨得賣咗你哋喎！

肥鴨

買咗件鴨仔衫比菲比，

同佢著黎影下相先...

咁啱屋企有隻鴨鴨公仔，

諗住一齊影下相...

但唔知點解菲比著完件衫唔肯郁

呢隻肥鴨好肥美，

大脾一節節

平時佢實九秒九fing開隻公仔啦！

加多隻都唔郁

再加多隻呢？

最後變咗疊羅漢

拆禮物日BBQ

不得不佩服自己，星期六巴希雅燒烤、

星期日，百樂BBQ、星期一打邊爐、

星期二大棠BBQ、星期三仲係BBQ，塊面o既粒粒越黎越多啦！

今日係拆禮物日，一起身就同菲比拆禮物啦！

菲比今年o既聖誔禮物...

些些各位愛錫菲比的朋友們<3<3<3

呢盒原來係我o既！仲以為師姐送比菲比添...

菲比﹕我有得睇無得食。

去到同學仔屋企啦！

菲比一去到就當咗係自己屋企咁

自出自入，仲走埋上2樓，

佢未試過去到一個新環境走咗去咁遠...

玩得好開心

全場大小毛孩加埋有九個，

得佢一個敢跳出跳入...

最衰就係我部機影得唔清楚啦！

張張都蒙查查...

悅悅﹕菲比教我點跳入去啦！

米米小公主

悅悅想偷食

叮叮經常擺出一副可憐樣

康康

唔記得影小菲正面添

主人家錢生同頭痛小姐

幾隻大o既食食下開戰，我就係菲比後面，

佢竟然一支箭標入屋都唔黎我度，

唔通佢知道媽媽仲驚過佢，

保護唔到佢u_u

好多嘢食，每人都係百零蚊...

見到咁大隻豬，諗住搬落地下同菲比豬影下相，

點知重到搬唔郁...

係人哋屋企菲比都搵到個安心窩，

經常都自己坐係度

仲係度瞓咗一陣添...