第六屆寵物同樂日

16-12-2012

舊年菲比第一次參加第五屆寵物同樂日，

眨下眼就一年啦！舊年只係去見識下，

今年上台表演啦！

好彩菲比今日好合作，竟然肯開燈，

叻叻.....

我哋今日遇到好多blog友/朋友仔呀！

菲比呢個惡狗形象真係深入民心@@

不過媽媽無用，好多都唔認得，

真係唔好意思吖！我認人真係好差...

無帶相機，無得同大家影下相添^^

今年主題大家齊來學開燈，

最後我哋自己顧住玩，

顧住傾，無教過狗狗開燈...

得菲比有開燈相，菲比做咗主腳

仲有我好鐘意嗰張菲比跳欄相

菲比尋日玩完一日，今日仲好精神...

有幾個毛孩行黎行去，影咗好耐都無張全部望鏡...

比媽媽捉住黎影相

小狗組，睇見呢張相就覺得自己好似抱住隻會笑o既公仔影相咁...

加埋四隻大狗，有隻突然扮死，睇佢唔到

今日會即場教狗狗玩障礙，師傅叫我哋自己去霸地盤先

知道菲比唔驚呢塊A板，咁高都唔敢比佢試，

又怕嚇親佢，又怕自己唔夠高拖佢，

日跑咗一半比我抱返落黎...

好多公仔...

菲比﹕媽媽，我黑色，你仲我我係兩隻黑色中間...

菲比，咁就差唔多啦！

媽媽抱住我就唔使驚啦！

其實菲比好驚，呢張我就坐咗係隔離，

只係叫人唔好影埋我，所以菲比笑得咁開心...

今次比上次快咗0.1XX秒，不過最快嗰個快菲比0.3秒

菲比今次度高高咗3CM真係唔知菲比肥咗定把尺有問題...

上台表演啦！無帶相機，無叫人影相，所以菲比開燈無影到相...

呢日菲比都幾乖，好多時都坐定定係我腳邊

米媽同米米拉票

大家一齊拉票，媽媽真係無用，人哋比支咪我介紹菲比，

我接都唔接，淨係一句唔使啦！

其實我志在參與，有無獎都無所謂，而且無諗過參加，

所以淨係帶咗件好普通o既衫快夜晚凍可以著，

人哋嗰d真係盛裝出席，無得鬥...

係台上面等拉票時菲比見到盞燈，

自己走去開咗幾次燈，真係比佢笑屎，

有時要佢開佢又唔開，唔使佢開又走去開...

見菲比行親埋去都想衝上去，終於忍唔住叫師兄睇住，

怕自己唔夠高時都有人幫手，比菲比試玩咁斜先，

點知個衰妹一嘢就跑咗上去，第一次唔敢比佢試落黎，

真係好斜，怕佢跣落黎，

第二次我預備抱佢佢就自己貼住塊板跑落黎啦！

今次真係唔可以唔讚下佢，咁斜都敢玩，

仲敢落翻黎，最衰玩咗幾次先叫人影相，

佢可能好攰啦！最一嘢衝唔上lu，最後幾格要爬...

天光玩到天黑，最後同師傅影埋張相就散啦！

今日玩得好開心呀！諗住同菲比行去坐小巴，

因為師兄車咗三隻寶貝去，諗住佢駕車無位！

點知佢話執個位比我坐，跟住有個家長開我點返屋企，

一係跟佢車，佢住元朗，都肯車咗我返大埔先，

真係謝謝大家都咁錫我哋吖！我最後當然坐師兄車！

因為佢雖然唔係好順路，不過都唔使兜咁遠...

返到屋企菲比就大覺瞓啦！