菲比終於都到此一遊啦！

由菲比打齊針，攞咗狗牌開始，

已經成日都想帶菲比去沙頭角行下，

沙頭角係媽媽童年放假逗留最耐的地方，

每逢放假，假期的第一日我阿媽就會帶我入沙頭角，

如果阿媽唔得閒阿姨佢o地都會帶我入去，

所以每逢放假我都會係沙頭角過的，

細姨屋企，大、二舅父屋企都會有我o既日用品的，

沙頭角就係我童年時第二個家...

宜家要帶菲比去感受一下媽媽童年的渡假聖地...

不過已經唔同晒啦！都唔緊要啦！有好多地方比菲比跑...

一去到醫肚先，老闆咁啱帶咗隻狗出o黎，有狗陪菲比玩...

阿姨幫緊人o地手整米通...

宜家用真係好少見到人o地整米通喇！

我諗大埔得翻好少地方有人用柴火整米通啦！

影相其間表妹拖住菲比，諗住行埋一邊偷影下佢o地，

點知比菲比發現咗...

係咁衝過o黎我到

衝呀！

真係不顧一切咁衝過o黎！

靖姨又無蝦你...

行過球場又比菲比跑下啦！

依隻菲比速度真係快，無張影得清楚的，

仲有好多都影唔到佢，得個地下...

菲比第一次見活魚

幾驚佢一啖食咗條魚，好彩佢都係聞下啫，

我咁大個女第一次聽到魚叫咋！

一見到人o地經過就吠，尤其是男人

換件衫衫再影過，依件衫著出o黎效果好靚，

影相都好靚...

影影下一陣風吹過，菲比變咗癲婆...

個衰妹又要驚，又要望海，

我就不停問姨丈，想唔想游水呀！

哈哈！如果菲比跌落海，我實推姨丈落去救佢呀！

姨丈話碼頭係佢第二個家，

因為佢係碼頭時間多過係屋企喎！

一邊仲好光，望過另一邊個太陽伯伯開始落山啦！

菲比成日吠姨丈，姨丈就用零食引佢同佢玩...

兩邊對比真大，依張相同上面張相只差幾秒時間...

姨丈話菲比成日吠單車，將佢放係單車上面，

佢下次就唔會吠單車，講咩！轉頭姨丈踩單車走，

菲比一路吠一路追住佢...

表妹諗住載佢去玩下，

點知菲比見離我越來越遠就一野跳落o黎，

嚇鬼屎我呀！

今年只過咗兩日，已經有好多張滿意o既同菲的合照...

又一佳作

依張都好有感覺呢？

行去中英街，明知菲比唔入得，都係入口影張相

之後上咗細姨屋企食飯，成餐飯姨丈、

表弟同表妹不停菲比...菲比...佢o地不停請菲比食雞雞，

連雞脾都比埋菲比食，最後連阿姨都忍唔住比比，

佢叫菲比做比比，佢都餵埋一份，哈哈！

菲比仲第一次成隻狗趴晒係第二個人度，

因為姨丈同佢按摩...

好似好c服喎！

仲一邊睇電視添...