病

尋日收工返到屋企放菲比出籠，

佢好似平時咁好開心係咁樸我，

樸兩樸佢無端端咳咗幾聲，於時即時抱起佢，

費事佢一路咳一路樸，平時要等佢冷靜咗我先會抱佢...

一陣佢又無事喎！比糧佢食啦！兜糧食唔晒，

仲以為自己比得太多佢添...

搞掂晒d野瞓覺啦！點知唔夠一個鐘後就聽到佢好似扯蝦咁，


片段只影到一舊黑色毛毛咁...

佢扯兩扯又無事，又瞓過，隔一陣又o黎過，

其實我知佢有嘔，不過佢次次都自己吞翻，所以唔知佢嘔咩！

到三點幾見佢好似好辛苦，諗住梳洗同佢去睇醫生啦！

佢跟埋入洗手間，佢終於係洗手間嘔咗d白色泡泡出o黎！

果刻我覺得佢好叻女，原來佢怕嘔係床到，所以自己吞翻...

就係依D啦！佢嘔完又好似無咩事喎！

於時陪佢玩下，點知到咗九點幾十點，

佢又開以嘔過，搞到我都唔知點好，又係就o黎要返工，

返夜班唔可以話請假就請假，都無辦法，

頂硬上去咗返工先，但又預咗屋企人如果打o黎話佢仲嘔得好犀利o既話，

我就即刻返去帶佢睇醫生...

又會咁禍不單行，又唔記得帶locker鎖匙，

叉電係locker到，電話又就無電，

屋企人想通知我菲比點都唔知啦！

一路同師姐WhatsApp，一路問點做好，

佢叫我叫屋企人同菲比去咗睇醫生先，

我電話得返5%電，如果上埋網就真係好快玩完，

就叫佢幫我搵埋大埔附近有無廿四小時獸醫診所，

之後打返屋企叫阿爸同菲比去睇醫生，

阿爸又話菲比宜家瞓咗，咁算啦！等我放工返去先啦！

連睡袋都係locker到，天氣咁凍，

休息都唔知點算，好彩表姐留低佢條鎖匙比我，

佢locker到有兩件長袖工依，休息時頂住先...

收工返到屋企，菲比鬼咁生猛，觀察一陣又無再扯喎！

見我阿媽食野佢坐到定定等我阿媽比佢食，

於是試下比糧佢食，佢一陣就食曬兜糧啦！

本來都諗住清理完間房就帶佢去睇醫生，

睇下安全d，但執完間房我就攰到爆，

尋日差不多無瞓過，夜晚休息太凍瞓唔著，

返到屋企仲要執屋，清理返佢d嘔吐物，

佢真係好叻，佢情願嘔係佢自己d床仔同我張床，

都唔敢周圍嘔，可能怕比人打啦！

佢又唔知依d情況係唔會有人打佢o既！

於是都係沖涼瞓覺先，佢再扯先同佢去睇啦！

佢一路都同我一齊瞓，見佢咁攰唔願毓，

六點零鐘諗住起身同佢去睇醫生，

點知佢見我起身，佢又彈起身，

咁啱我阿媽返o黎放阿Q出房，菲比又走去同佢玩，

仲係到鬧交添，見佢仲精神過我，咁就由佢啦！

咁o既天氣真係唔多願出門口呀！

可能我自己都仲咗招，成日都覺得好凍咁...

菲比，希望妳真係無事啦！我真係唔想妳要食藥呢？