扮o野

從來無諗過狗狗會扮o野！

但係上次菲比嘔完後，每晚我放工返屋企菲比都會撲我，

平時我會等佢冷靜完先會抱佢，但佢撲兩撲又係到扯兩聲，

我唔理佢佢又咳，都係抱起佢先，費事佢又嘔，

不過星期日返學菲比都有撲我，但就無扯又無咳，

所以決定星期一晚返屋企唔可以再係菲比未冷靜完就抱佢，

結果個衰妹真係咳幾聲就嘔比我睇，連續兩日都係咁，

於是就問下師姐啦！佢叫我唔好理佢，理都理唔到，

如果菲比真係病，我抱佢唔會即時好翻，

但如果佢再嘔就帶佢睇醫生，咁星期四晚我一返屋企，

菲比一樣撲我，但我係佢咳之前衝咗入洗手間，

個衰妹見我入咗洗手間就無咳喎！我入咗去五分鐘先出o黎！

佢已經冷靜完坐咗係門口等我啦！

真係從未諗過狗狗識得扮o野...

但係佢真係會嘔，到底佢係邊到收埋d食物嘔出o黎呢？

菲比，妳幾時學得咁古惑...

學識扮嘔要我抱抱...

菲比﹕我都係想媽媽快d抱我啫...