19-5-2012第七次探訪活動

唔經唔覺，原來菲比都參與咗七次探訪活動啦！

雖然仲係大部份都做唔到，總算都有跳下欄，

同小朋友比下賽咁啦！今次菲比有新突破，

就係肯跟大隊stay喇！平時上堂時練都係得一次得，

無諗到佢今次探訪竟然肯做...

今日菲比心情好似特別好，

係的士上面都坐定定，

好耐都未試過啦！佢次次都要企係到睇風景o架！

啱啱起完水，都係著埋褲褲安全d...

菲比今日好想聊少爺尖玩，不過依d場合係唔可以咁做o架！

大家都要管住自己o既狗狗，

哈哈！我經常都無為意菲比走咗去少爺尖度！

都係同學仔家長叫我睇住佢...

個衰妹係片片度小便，連褲仔都濕埋，唯有變翻光豬仔啦！

黎到百樂，永遠都係咁開心o既！

佢o地依個髮型無咁似樣，

如果我無自己同菲比鏟毛嗰個髮型就似喇！

上星期上堂連行近d個滾筒都唔肯，

今日幾舊肉肉就引咗佢上去啦！

今次仲敢係上邊轉身添...

師姐叫我放腳，菲比一感覺到會毓就九秒九跳咗落黎啦！

真係細膽成咁！！！...

少爺尖做親善大使，同小朋友接觸...

滾筒無難度啦！

見到忍唔住影低佢...

扮死...

集體stay喇！初頭叫菲比坐佢都唔肯，

到個個都坐定定佢都未肯坐o既！

但係最後關頭佢又坐低喎！

即時叫佢stay...

得咗，好彩有影低啫！...

OK喇！

射龍門時間...

之後我o地仲去咗西貢游水...

見唔見菲比係隻艇度呢？

轉頭佢就跳咗落海啦！

仲要比隻雪橇追添，唉！又嚇親佢...

突然落大雨，我都淋到濕晒...