唔鐘意食o既零食

菲比真係好少零食會唔鐘意食，

通常唔係乾糧佢都會食，

但係上次去寵物節同學仔媽媽買o既煙肉零食，

菲比竟然一d都唔食，淨係攞黎玩...

新機影相 係靚d，唔同d，

但買咗部新機，好少攞黎用，

因為想佢長命啲，所以買咗個密實盒，

將佢放好啲，唔使又比啲冷氣o既水氣整壞個鏡頭...

平時影相多數用部隨手可得o既舊機！

連d毛污"租"咗都清清楚楚...

呢d用舊機影o既！真係差一截...

翻回正題，呢d就係煙肉零食，

比咗一舊菲比，佢聞兩聞就走咗，

以為太大舊佢唔食，剪咗兩粒仔比佢...

佢都係唔食，不停係舊零食上面碌來碌去...

唔通想留翻d煙肉味係個身到...

菲比，食唔食o架！

菲比﹕唔食，我唔鐘意食呀！

佢一d都唔鐘意食，所以我將兩包零食攞翻比同學仔食啦！

29-7-2012寵物節+菲比攞獎獎

寵物節家長會有20分鐘表演時間，

一早就答應咗會去，點知收到一寵狗狗運動會電話，

話菲比攞咗50呎短跑D組冠軍，

當然要去攞獎啦！

之前一日已經幫菲比試下戴咩頭飾好，

最後都係打消念頭，因為佢實會想盡辦整甩佢...

淘咗好多呔呔，諗住一狗一條，

同菲比試下先，都好靚吖...

見到咁多獎牌獎杯，同菲比影下相先...

大合照

唔係我影，所以無咩相，

唔係個個都好似我咁，咩都影一餐^皿^...

攞獎，好彩叫咗個見習小福同我影相，

如果唔係都唔知點拎果袋糧走，

有人幫我將果袋糧捐去狗場，

因為果袋糧比菲比食，我諗食一年都食唔晒...

啲獎品有啲同8號果日跑3秒內o既禮物重覆咗，

有啲自己又無用，所以都比得七七八八人，

淨翻一包鴨肉，一條毛巾同三包乾糧試食包，

同學仔媽媽幫我睇住腰腰，點知腰腰話好想買野比菲比，

咁就要同學仔媽媽破費買咗兩包小食同個公仔比菲比啦！

三條鹿根就係自己買o既！

菲比第一次去寵物展o既收獲，因為師兄車我o地返黎，

佢o地係我o地等攞獎o既時候行咗一轉...

唔想人o地等咁耐，所以淨係行咗想買o既鹿根一檔...

菲比4月係一寵開幕禮都跑過一次，當時肩高31cm，屬於C組，

果次得冠軍，菲比同冠軍相差0.001秒，同冠軍無緣，

今次肩高29cm，屬於D組，跑2.921秒，第二名跑2.925秒，

第三名跑2.930秒，相差真係好少，

而全個50呎短跑最快o既跑2.681秒，可以攞埋獎杯，

如果菲比第一次唔係人o地未吹雞，佢應該快過2.681秒，

不過呢d都唔可以強求，係你o既就係你，

有個冠軍已經好開心，呢個係菲比狗生第一個獎...

菲比可以攞呢個獎，真係全靠師傅同師兄姐佢o地，

如果菲比無去返學，我諗我都唔係好敢帶佢去人多o既地方，

就算去，都無諗過會參加比賽啦！

邊個夠擔幫我拉住菲比啦！又或者話我邊敢嘗試比人拉住菲比吖！

菲比已經影到無晒表情啦！

睇黎攞呢個獎，媽媽開心多過佢開心囉！

菲比好鐘意個公仔，經常都公仔不離口，

依個就係你攞金牌o既獎勵啦！

雖然菲比有時都會突然咬腰腰，

但佢o地o既互動都多咗，

菲比都有時會主動搵腰腰玩...

真係好鐘意佢兩個一齊瞓覺o既樣...

將腰腰隻手搭過菲比度，佢都繼續瞓，

今日真係辛苦晒啦！

安心袋

菲比比我細佬踢咗一腳，

之後就鐘意咗瞓狗袋，可能佢覺得四面比野包圍會安心d啦！

果腳我諗我細佬都唔係有心咁大力的，

但我都覺得好嬲，嬲佢對菲比太粗暴啦！

點解佢對菲比要咁粗暴，對阿Q就可以處處忍受，

但又可以點，佢跟本就唔鐘意狗，

迫唔到佢去鐘意菲比喎！

成晚就瞓係個袋到，叫極都唔出黎...

睇見就心痛死，平時係塞都塞唔到佢入狗袋，

仲要係成隻入晒去...

個樣幾可憐...

好彩第二時佢就開心翻啦！

雖然都仲係鐘意走入狗袋...

但都肯笑住影相

平時係屋企都幾難叫佢笑住影相...

菲比自製安心窩

某日放工返屋企，就見到咁o既情景...

個衰妹竟然將啲床仔，狗袋，我D袋拉晒落佢個安心窩前o既小小空地...

仲好似瞓得好舒服咁添

唉！既然妳咁鐘意就尤得妳啦！

一晩咁多...

第二朝瞓醒見到d袋同玩具唔同咗位置，

可能佢自己將d袋放到令自己瞓得舒服d啦！

一佰蚊的帽子

行過朗朗舖頭，諗住買過包乾糧比菲比，

因為菲比完全唔食佨六魚糧，

佢o地有隻新糧，諗住買包比菲比試，

但係老闆娘話唔好買一包，比包試食包我攞返去比菲比試咗先...

所以就攞試食包啦！見同牌子有濕糧，

諗住買黎溝隻新o既爆毛粉比菲比，

好彩買得一罐，菲比完全唔食...

最後老闆娘比咗頂帽我睇，

點知一睇就愛上，老闆娘叫我下次帶菲比去沖涼試咗先，

但我真係太鐘意啦！雖然貴咗d，但都買咗啦！

就係呢頂啦！其實都無咩特別，

可能我係天生購物狂啦！

戴咗好靚，不過我影得唔靚...

嘻嘻！仲要影到菲比咁醜怪添...

又陪媽媽宵夜

請咗假無返工，同事宵夜都搵埋我，

因為啱啱食飽，我話唔去，反正我都唔飲酒，

但同事話無我佢o地會食得少啲，

無咁好謂口喎！唉！無辦法啦！

諗住去坐一陣就走，但係去到又點會比我走吖！

菲比﹕媽媽妳唔係請咗假咩！

妳要去邊呀！

媽媽要出去一陣...

菲比﹕媽媽，帶埋我去得唔得呀！

菲比﹕媽媽好衰o架！唔帶我去...

媽媽﹕菲比...菲比

叫極都唔理我，睇見都心痛...

菲比﹕媽媽妳要出去就快啲啦！唔好係到引我啦！

最後...都係帶埋個菲比豬出去...

有得去街，菲比就會特別開心...

菲比﹕媽媽妳個鼻"姐"住咗我隻眼!!!

菲比今日仲好叻叻豬，比個未抱過狗o既ee抱...

呢張相影到菲比個樣好搞笑...