爆炸探訪親善大使"之K歌之王BBQ興功答謝聯歡會

平時去百樂探訪，佢o地為咗答謝一班親善大使，

所以搞咗個興功答謝聯歡會，

時間係星期五，本來諗住星期五返早班，

夜晚就可以同菲比一齊去反啦！

但媽媽又整親條腰咗，請咗幾日病假，

變咗唔使返早都可以去反...

整咗三文魚雞肉丸，菲比係屋企食咗一粒，

之後就無咩食o野！

唔知係咪有隻唐狗行過，咁啱菲比郁，

我以為佢想去撲隻狗，叫咗一聲，

師傅聽到，叫我放低佢，然後仲帶咗菲比出去，

隔咗一陣先帶返入黎比我，

之後菲比就無食過o野啦！可能佢嬲我累佢比師傅帶咗出去啦！

唉！都係媽媽無用，咩都叫一餐...我都相信師傅只係帶菲比出去，

等佢有不安感，知道自己做錯咗，而絕對唔會對佢做其他事，

令佢唔敢食o野！

菲比越來越接受自己去街要入狗袋啦！

我一揹起個袋佢就要跳入袋啦！

不過始終都要伸個頭出黎，

即係唔可以成隻入晒狗袋@@

知道佢一陣就會搞到自己好似癲婆咁，

所以係屋企影咗啲相先...

菲比﹕我靚唔靚女呀！

菲比雖然唔多肯食o野！

但都有進步，可以跟住師兄，

我坐係對面燒o野食都無問題，

無話奀奀聲，又無話係咁想返黎，

但佢會對住我傻笑...

有無咁friend呀！

同康康影張相相先，菲比係都唔肯坐，

仲兩頭行...

菲比同康康都幾合拍喎！

無時停...

菲比見到邊個呢？個樣都唔同咗...

原來係師傅吖！睇佢同康康兩個，

好似識聽師傅講o野咁...

真係師傅講咁耐，菲比就坐/聽足咁耐...

終於都影到兩個正正經經啦！