絕育

呢日菲比要做絕育手術，

本來係上年3月10號，不過聽人講太接近起水日期，

所以取消咗，後來菲比足足遲咗兩個幾月先起水，

所以第二次約咗8月尾做，但屋企有事，

所以都無去到做，結果要等到今年3月1日，

足足遲咗一年先做今次手術...

一早起身菲比已經心事重重

磅重，12月時磅過係4.12kg，

宜家已經4.4

其實菲比唔算好重，因為四個月大o既菲比都有2.6kg重，

所以到大定都係重咗唔夠2kg，已經好意外...

姑娘同佢掃晶片佢想咬人，所以要求佢戴咗頭罩先入去，

姑娘話如無突然接到電話，咁就4:30到診所接翻菲比，

心裏不斷祈禱，4:30前姑娘唔好打黎...

有驚無險，終於接翻菲比，

佢個頭仍然無咩力！所以抱得好辛苦...

返到屋企過咗成個鐘都仲係咁

叫好多聲先肯望一望鏡



佢唔鐘意個頭罩，成日想整甩佢，

結果頭罩整唔甩，但整甩咗貼住傷口o既紗布，

所以搵過啲紗布同佢包過，仲有咁實貼咁實添

仲有滲血，當然要包住個傷口啦！

菲比﹕我可唔可以唔做花花公主呀！