我的阿be

成日都話妹妹似阿be，

菲比似阿be，

到底阿be係邊個...

阿be係我係元朗用咗八仟八蚊買返來的迷你貴婦狗，

但係佢就一d都唔迷你囉！

買返來時皮膚好差，我搞唔掂，帶佢返去果間舖頭，

果個人就叫我留阿be係佢到，

等阿be皮膚好翻先接佢返屋企，咁好啦！就放阿be係果到啦！

其間都會去探阿be的，但就一次比一次大隻囉！

結果十日後接阿be的時候佢就比我放低佢時大咗成倍囉！

如果唔係阿be認得我，我就一定唔會要返佢囉！

之後阿be就不停咁大，大到間屋都唔夠空間比佢，

佢跑兩步就撞埋牆，雖然我每朝都會帶佢去落下行下，

但都唔夠活動，而且又因為佢成日同阿嫂嘈，

又攪到d關係好差，

所以最後都決定幫阿be搵個好主人，

起碼佢唔使再成日無端端比人打啦！

阿be去到新主人到都有繼續大，但新主人屋企地方好大，

所以對佢都好，可以成日跑來跑去，都唔怕撞親...

新主人又自己另外又有兩隻狗陪佢玩︳

佢又唔怕會悶親...雖然好唔捨得佢，

但諗到佢生活開心就放心啦！

我一路都好掛住佢o架！

所以我同菲比改名都好想改個be字尾的...

佢咁瞓可以超過半張床...

剪咗毛都咁大...

阿be同妹妹一樣，影相時對眼有時藍色，有時紅色的...

阿be，雖然我要將你送比人係我唔啱，

但都係為你好我先咁做的，

當時阿嫂又有隻狗係屋企，而佢又成日話阿be咬佢隻狗，

所以一路都唔鐘意阿be，咁有咩依毓都會搵阿be來打，

知道新主人對你好好，我都覺得自己決定無錯...