無效

菲比經常會食自己D便便，

所以買咗盒防食便便丸比菲比食，

但都食咗差不多三份二樽，

結果菲比都仲係會食自己D便便，

只不過係食少咗D啫...

就係依樽喇！都唔知點解菲比食咗會無效的，

買的時候老闆話好多狗狗試過都得，

點解菲比會唔得o架！

菲比﹕係囉！都無效o既！

不如以後都唔好食啦！

比鴨肉我食好過啦！

經過自己同菲比沖咗兩次涼後，

菲比d毛毛長咗好多，就o黎又見唔到隻眼啦！

咁難得比我夾住都唔掙扎，緊係要影低佢啦！

最近的每日一影，影來影去都係依個樣，

依個表情，依個動作...

菲比﹕ 快d帶我去修下d毛啦！

唔係成日都要高抄囉！

菲比﹕坐定定比妳影都無用啦！

又係影到蒙查查...

須唔須要著衫

最近天氣開始熱，係時候要開冷氣啦！

咁須唔須要幫菲比著衫呢？

著佢又唔係咁鐘意，

唔著個鼻凍凍濕濕的...

唔鐘意都係要著的...

唔係凍親仲大獲...

菲比﹕我唔鐘意著衫呀！

我﹕咁我買咗咁多衫比你點算呀！

菲比﹕你自己要買之麻，我都無叫你買...

我﹕咁唔買都買咗啦！將就下著咗佢啦！

菲比﹕咁算啦！下次唔好再買喇！

我﹕係o既菲比女皇，我下次盡量唔買啦！

其實佢o地鼻哥凍凍的，係唔係啫係凍呢？

唔著衫會唔會凍親呢？

大平洋酒店蝦蟹自助餐

29-5-11

星期日放假又撇甩菲比自己去咗食自助餐，

哈哈！其實兩個星期後又去食自助餐，

差不多隔個星期就去，

因為預到一班都係鐘意食o既人，

依餐未食，又攞張報紙o黎問依間好唔好，

就係咁我o地就經常食自助餐啦！

太平洋酒店栢景餐廳的蝦蟹自助餐，

超期待今次的自助餐，

因為蝦蟹做主角，我最鐘意食海洋...

排隊入場...

順便影下d甜品...

今次終於記得攞B貨菲比出o黎影相啦！

其實次次都有帶佢去，

但次次都掛住食，無同佢影相...

有好多甜品，無影晒...

嘩！好多燒大頭蝦，

食咗兩隻，之後去親都要等...

依D冷盤全部唔啱我食，味道怪怪的...

紅色的係西瓜，上面的係蟹柳同綠色的蟹籽，

估唔到味道係咁夾的，不過要成舊食...

B貨菲比話想食大頭蝦...

又想食螺肉同八爪魚...

又想食長腳蟹...

瀨尿蝦都唔錯喎...

嘩！菲比最鐘意三文魚喎！

可唔可以打包比佢食呀！

依舊芝士太喊啦！

我都好想食雪糕...

我o地一枱八人食咗咁多杯雪糕，

點止呀！有d比人收咗...

去公園

28-5-11

今日菲比又同媽媽細佬去公園，

同菲比係堂妹樓下等佢o地，菲比認到地方，

係都要入去，但我知堂妹落緊o黎，費事入去啦！

菲比係都想入去，結果一見到媽媽同細佬就失控，

菲比係都要沖去媽媽到，

而媽媽同細佬一見到菲比就係咁吠，

又比芝麻仔走甩咗，

有個路人甲就幫我o地欄住芝麻仔，

隔離舖頭d人出晒o黎趁熱鬧，

真係失禮晒...

地方熟悉咗，難控制咗，

我同堂妹不停係到叫no呀！

返o黎呀！....

一放繩三隻馬騮就走咗去。

好彩一叫就會走反o黎...

唯一一張三個都入鏡，三個都揹袋袋...

天氣真係好熱，三個都跑到伸晒脷...

嫌個水樽慢，要咁樣飲，

係時候要買過個去街水樽先得。

三隻形影不離...

去到堂妹屋企放菲比落車，

初時唔試跳車，

一陣就比佢試到點跳lu...

一放入車，九秒九就跳咗出o黎，

真係唔識嘆...

買買買買買

女性真係天生購物狂，

明明菲比有好多衫，但一見到就會買買買，

之前見到夾仔就會買，

依個幾月o黎買買埋埋又一堆，

菲比o既衣櫃一個已經唔夠用啦！

仲要比我發現口水肩戴上頸又幾好睇，

所以又買買買...

總之見到啱菲比o既就會買買買啦！

口水肩，太大條，全部要加工...

依條有d大，但免強都可以戴...

另一面...

依條實在太大啦！要睇下可唔可以改下佢...

依件本來係買比菲比六個月生日的，

不過今個月除咗龜小姐外，

其他禮物都無出鏡...

依件有d似小朋友底衫，

不過我好鏡意依個圖案o既衫衫...

堂妹話天水圍有狗衫賣，

廿蚊件，於是入去睇睇，結果買咗5件，

因為好多都爛，

真係好難先揀到一件完全無爛又見得人的，

都比我揀到五件...

依件睇落好簡單，但菲比黑色，

著上身好靚...

堂妹揀的...

依兩件都係堂妹揀的。

上次去買糧，果間寵物店放咗箱衫係地下，

我多手攞o黎睇，老闆娘就叫隨便睇，

大部份都四十蚊件，但鐘意的就好細件，

只揀到依件我好鐘意的水手裝...

依件一見到就唔捨得放手啦！

菲比試過，著咗勁可愛...

買衫點少得靚裙，不過菲比太瘦啦！

買啱長度就太大件，

買細d就太短，當然我就身型多過就長短...

女仔係多衫d，想揀件比芝麻仔都無咩啱心水，

但菲比就買完一件又一件...

睇o黎菲比都好鐘意依件衫喎！

菲比已經有件雨褸，

但一見到依件就無法抗拒，

買咗先算，最多當風褸著...