效果相

之前整咗d效果相，

覺得都幾靚，

所以係到同大家分享...

擬似SNOOPY寶貝

第一次到大尾督效遊

四張大眼相，

不過最後果張比D毛(姐)住咗對眼...

同寶貝一齊瞓...

扮靚靚...

可愛...

覺得好靚丫！有時間再整多D先...

又來冷衫

依件衫本來係織比腰腰個大家姐的，

但織織下無心機，所以放低咗無織，

到搵翻出來時已經係成兩年後o既事，

個衰妹都唔鐘意咁大個公仔著上身lu，

所以就比咗契女柔柔...

如果織比三、四歲o既小朋友會靚d，

因為我覺得側邊無咁多空位會靚d...

所以考慮年尾織件比腰腰，

但都要下好大決心先會織囉！

依件係我第二件織有公仔o既衫，

因為其他的係用繡的方法繡上去的...

第一件送咗比一個爸爸唔認佢，

媽媽返咗天家的三歲小女孩，

當時淨係想給這個小女孩一些溫暖，

但又唔知可以點做，

所以想每年織一件衫比佢，

然後叫教會的一位傳道交比佢，

等佢雖然無媽媽o既溫暖牌，

都有別人送的溫暖牌，

第一年佢兩歲的時候織咗條裙仔比佢，

第二年就織咗一件米妮外套比佢，

亦係我第一件唔用繡的方法織公仔衫...

可惜我只織咗兩年...

兩年作品都無影到相留念...

契女o岩o岩好...

佢媽媽仲特登買咗對靚鞋比佢襯添。

(相片拍攝日期係21-12-2007)

不過佢話鐘意HK多D，

所以織多件比佢，

依件織咗兩日咋，

因為簡單好多...

(相片拍攝日期係30-12-2007)

寶貝甜心

我發覺自己越來越唔想離開菲比太耐，

平時返工已經係極限，

如果唔係返工都唔想留

菲比自己係屋企，

好想盡量去邊都帶埋佢去，

但菲比又唔肯入狗袋，

去飲茶都唔可以帶埋佢去，

本來行去飲茶果段路

係好適合比狗狗散步的，

而且同茶樓都好熟，

如果菲比肯入狗袋，

就算佢要伸個頭出來都無問題的，

可惜佢唔肯入狗袋，

所以少咗好多去街機會。

上星期表姐叫我食完Buffet後，

北上按摩兼過夜，

之後第二日去整指甲，

行東門，跟住就去返工，

我就諗，如果咁樣，

我就成四十個鐘頭無得見菲比，

菲比都會好可憐，

要比人困係籠到咁多個鐘。

後來我同佢講我唔去按摩，

表姐就話咁第二日一齊上去啦！

第二朝，因為屋企全日都無人，

平時媽咪同爸爸都會返下屋企，

唔會全日無人，

我真的唔係好捨得

留低菲比一個係屋企咁耐。

又怕個廳好焗...但又應承咗人，

而且佢o地都就我遲一日先去，

我唔可以放人飛機的，

最後決定困菲比係房，

開個風扇比佢，起碼佢唔會焗親，

但都一路擔心佢會抓門抓到對手損晒...

唉！下次如果屋企咁長時間無人，

我都係唔好出去喇！

搞到成日心掛掛，

本來北上完係直接去返工，

最後因為太掛住菲比，所以...

曠工一天...

好鐘意依張相呀！

 

 

菲比呀菲比，

即使你仲未次次去啱洗手間，

即使你經常破壞王上身，

即使屋企人成日投訴你，

即使你唔可以比人摸，

最多我每日帶你出去散多一次步，

等你少d機會係屋企周圍痾...

最多我盡量將可以被你

破壞o既東西放好，等你無得破壞...

最多睇緊d你，唔好比你影響屋企人，

最多每次有人想摸你，

我就要同人講唔可以，因為你好惡，

唔比人摸，不如你比佢聞下先...

縱使您唔係一隻聽教聽話的狗狗，

但我要比您知道，

您永遠都係媽媽o既

寶貝甜心

我會盡我能力，慢慢教您，

帶您見多d人，

見多d狗，

希望有朝一日您有機會

成為一隻人見人愛的小傢伙！

再破壞王

之前Mocha媽媽已經提醒過，

snoopy個公仔鼻係硬膠，

要小心d，所以都經常睇下snoopy個鼻，

睇下會唔會鬆鬆地，

點知今日就見到唔見咗個鼻，

但搵咗全屋都唔見，

唔知係唔係比媽味執咗呢？

不過我知菲比唔會吞咗，

因為佢比交硬o既o野係唔會吞的...

無鼻Snoopy...

菲比﹕快d比翻我呀！

有o野食就肯坐定定影相。

影o黎影去都係依個樣...

山景酒店自助餐

哈哈！真係兩個星期一餐，

不過食埋依餐真係要休返一個月先喇！

今次依間都係麻麻地，

食物選擇唔多。

但總括o黎講都好過上次果間...

食過咁多間，都係鐘意太平洋酒店，

同埋麗景酒店的自助餐...

今次帶多隻菲比去添...

榴槤班戟好好味，試過香蕉同芒果，

都係榴槤味最正...

臨走先至影下個場...

食物選擇真係唔多，

一眼睇晒...

個衰妹堂妹同佢影相無零食都咁合作...

自助餐後的冰淇淋...