停電

六月十五日，全座樓停電，

所以同菲比去堂妹屋企避避，

以免發生熱死人，熱死狗事件。

放低菲比就同堂妹，表姐去食早餐。

因為芝麻仔係到叫，堂妹鬧佢，

妹妹以為堂妹要打佢o地，

所以又跳上個籠到。

你行去邊，妹妹就行去邊，

驚死你真係打佢o地咁...

衰妹菲比，係屋企困佢入籠時，

就用楚楚可憐o既眼神望住我，

搞到我返工都返得唔安樂，

但係堂妹到，

你o地見唔見佢三張相

都無張可憐樣呀！

(三張伸脷的都係菲比)

想同菲比影下相都唔得，

因為我用食物引佢，

芝麻仔一見到o野食就走過o黎，

比一舊佢，佢食緊，

但見我舉起食物引菲比佢就...

依張係唯一一張影得最好的...

一張床，二人三狗，

菲比同芝麻仔係中間不停打交，

叫我同表姐點瞓，

之後困菲比同芝麻仔入籠，

菲比就叫到超可憐，

緊係啦！我係到，佢又點肯入籠丫！

放菲比出o黎，到芝麻仔叫到超大聲，

緊係啦！個個係出面，

佢又點肯自己一個係籠入面丫！

其實菲比都想瞓，

但芝麻仔就不停聊佢打。

最後搞到成四點，

堂妹見佢o地搞到我同表姐無得瞓，

都夾硬將芝麻仔困籠。

芝麻仔一叫佢就鬧佢，

咁樣我先可以攬住菲比瞓咗一陣。

五點鐘有翻電，就同菲比返屋企，

睇下菲比瞓到丫！

玩咗一日，又無咩瞓過，

我好耐都無影過菲比瞓覺相，

因為我一攞相機佢就醒晒，

今次我諗佢都好攰啦！

佢就好啦！有得瞓，

我同表姐就慘lu，約咗人食飯，

食完飯仲要返工，

最後表姐頂唔順唔返工，

我又唔可以一齊唔返，

因為一齊唔返會比人丙的。