安心窩可安心

自從師姐建議比個安心窩菲比，

我就執咗個安心窩比佢，

點知菲比就淨係執好後我抱佢入去影下相，

之後果晚入去瞓咗個零鐘頭，

就無再入過去啦！

於是就問下師姐有咩辦法，

照住佢教o既去做，菲比係第二晚就入咗去瞓啦！

之後每晚佢都會係安心窩到瞓，

直到我瞓覺佢先會跳上床同我一齊瞓。

其實安心窩對於細膽狗係幾好o既一個安身o既地方。

如果菲比習慣咗個安心窩，咁第二時有咩突如其來o既事，

佢感到不安o既時候佢都會走入安心窩到，

唔使走o黎走去唔知去邊好，

菲比芝前個安心窩(佢自己覺得)就係枱底，

當時佢有咩事都走入枱底...

宜家佢會走返依個安心窩到，

而且吠叫o既情況明顯改善咗...

睇下菲比瞓到丫！

菲比，您發夢食緊咩呀！

真係好攪笑呀！

比佢發現咗添...

又瞓過。

菲比﹕媽媽，妳仲未影夠咩...

轉個姿勢唔比妳影先...

菲比﹕到底妳要影到幾時呀！

快d熄燈唔好阻住我瞓覺啦！