其實由第一堂開始已經知道菲比o既行為係因為我，
因為佢係我身邊無信心，唔夠安心，變咗一隻細膽狗！
所以佢有咁o既行為係因為佢覺得我保護唔到佢，
佢要保護我，保護佢自己，
其實菲比係一隻好乖乖o既狗，佢因為要保護媽媽，
覺得d人對媽媽有威脅，所以先會攻擊人，
因為每次有人行過想摸佢，我都會驚菲比會咬人，
所以心跳唔同咗，而菲比就感覺到我心跳唔同咗喎！
佢又唔識分點解媽媽心跳唔同咗呢？只知道媽媽心跳唔同咗，
咁附近o既人可能對媽媽有威脅喎！所以人o地一伸手摸佢，
佢就以為人o地想攻擊我或佢，佢就...
唉！菲比，都係媽媽對你唔住，媽媽咩都驚驚青青o既性格，
搞到你係媽媽身邊唔得安心，所以要自己保護自己...
菲比呀！菲比，媽媽會盡量改變自己，
等你係媽媽身邊可以感到安心...
菲比﹕媽媽我都要變大膽d，唔再做細膽狗...
呢樣野我都有聽過, 所以人地話1定要有正能量, 不過有時係驚就驚, 又真係控制5到既 ~.~
回覆刪除[烈女菲比11/07/2011 04:03:51]係呀！我都盡量嘗試順其自然，人o地摸佢就摸佢啦！不過最怕遇到d又要摸，但萬一比菲比咬親就走去報警或叫漁護處o既人，咁到時就麻煩啦！
我同你既情形差吾多喎,我地一齊努力啦,哈哈哈哈.
回覆刪除[烈女菲比11/07/2011 16:17:52]原來你o地都係咁，不過芝麻奶昔佢o地唔會咬人，應該易搞好多...
講得好o岩呀, 唔知你有冇睇 discovery channel , 有個節目叫 "dog whisperer", 個訓犬師叫 ceaser milan, 佢好犀利, 咩問題既狗佢都搞得掂, 佢成日都講一樣野就係, 狗狗係會感覺到人類既情緒, 好易會受我地既情勢所影響, 所以我地要時常保持正能量, 唔可以冇信心, 唔可以驚, 否則狗狗會出現好多解決唔到既問題架.
回覆刪除[烈女菲比11/08/2011 18:59:30]係呀！師傅都話其實d狗好易教，最難教就係佢o地o既主人...哈哈！即係我囉！