轉食乾糧

上次話轉個新兜，加上照住師姐所講o既幫菲比轉食乾糧，

個衰妹五日加埋先食得兩餐，仲要係要我攞咗一粒比佢先，

佢食咗後先自己食埋兜果d...

今次都餓咗佢咁多餐，我真係要忍心d先得，

唔可以又比佢話翻事，唔食又比第二d佢。

照足師姐教o既！清兜就比舊零食佢...

菲比﹕好味，仲有無...

到底係邊個比餅餅菲比，唔怪得之佢又隔咗成四餐先食晒兜糧啦！

原來我阿爸經常比零食佢，應該話菲比識得冤我阿爸比o野食佢！

激屎我，咁攪法幾時先轉翻食乾糧呀！

我已經叫我阿爸唔好再比零食菲比，不過我知我阿爸實會偷偷比佢的，

又唔可以鬧阿爸喎！佢都係錫菲比，唔忍心佢捱餓啫！

希望我阿爸可以忍下啦！遲d佢肯食翻乾糧先比都未遲丫...