有點過份

平時已經好鐘意買o野，

今次菲比一歲生日喎！又點會放過今次機會丫！

依張床仔真係考慮咗好耐，因為都唔平的，

又大張，買完都唔知放邊好...

但真係比佢吸引住，真係好靚...

衫衫衫，仲唔襯菲比生日，不停買買買...

依條工人褲菲比好似唔太鐘意喎！

著完趴係到都唔多願郁...

依件見到時得一件，老闆娘話係版，睇下好唔好賣先落貨，

睇落好細件，本住唔啱比芝麻仔o既心態買咗佢

估唔到著出o黎又好啱身喎！仲好好睇添...

菲比都好鐘意呢？除咗都唔比我攞走...

件件都好想買，如果屋企有地方仲不得了呀！

依件好得意，唔知著咗會唔會成隻熊貓咁呢？

有黃色，有粉紅色，好似黃色比較靚，

所以買咗黃色。

$70兩件，買比菲比係屋企著...

都係$70兩件，因為好鐘意依條裙，

見佢咁平，所以屋企有件一模一樣仲要同碼未著過o既！

都要買多件...

聽講今年冬天會好凍，所以買d厚身o既比菲比，

舊年厚身o既已經全部唔啱著啦！

又貴又唔係咁靚，都唔知點解會買﹐

都係太鐘意買o野之過，睇唔啱其他，

唯有求其買一件...

係條著出o黎應該會好靚的...

都幾大堆頭...

淨係依度都夠菲比今年著啦！

再加多橦呢？真係幾年唔使買衫都得呀！

不過以我咁鐘意買o野！實忍唔住手啦！

夏天衫都唔放過！

之前送咗個藍精靈比菲比，佢超級鐘意玩，

不過比我洗咗兩次無聲後就打咗入冷宮，只係時不時擔住fing兩fing，

無聲又放低唔玩，所以轉登去深水埗買多幾個比佢，

行晒成條街，得翻一間有得賣，仲要係得翻八個，

本來想買一打比菲比的，今次真係要慢慢玩喇！

又工人褲，又係紅色，買咗先記得已經買咗一條紅色工人褲...

好鐘意依個牌子o既狗衫，依件仲有粉紅色，不過無菲比碼...

水手裝都唔錯喎！

依條都唔平，不過就真係好靚...

依件十二就太窄，十四就太長，但又好鐘意喎！

最後要咗十四碼，諗住係側邊縫幾針。

又係厚褸一件，都好鐘意呢？

依件係菲比咁多件衫最貴o既一件，係迪士尼出品，

必屬佳品，著出來又真係好靚丫！

不過係屋企唔可以著，如果唔係隻公仔實無...