呷醋過後

菲比雖然呷媽媽同芝麻仔醋，

但其實都好錫佢o地...

堂妹掛住兩隻狗，掛到成日係到喊，

但佢都唔想接佢o地返去住，因為怕堂細佬又傷害佢o地...

但叔叔都好掛住佢o地(佢唔知佢o地黎咗我屋企，唔係實自己上黎接佢o地走)

，日日同堂妹講，阿妹會掛住佢o地，芝麻仔好細膽

(邊個抱佢佢都會尖叫，包括堂妹同叔叔，但我抱佢又無事喎！)

最後叔叔應承堂妹會睇住堂細佬，唔會再比佢打佢o地，

所以收工堂妹就黎接佢o地走啦！

原來會係到住十幾日，宜家三日就走啦！

帶住三隻豬仔去食宵夜，食完後就返屋企啦！

芝麻仔同媽媽企係駕車仔度係咁望住我，

芝麻仔仲係到叫添，唉！依隻豬仔又確車幾可愛，

相處咗幾日我都愛上咗佢，嗲到暈...

以為菲比會開心翻啦！

點知個衰妹唔知係咪一時未習慣少咗兩隻狗，

抑或真係掛住細佬同媽媽呢？

整整一日無笑過！眼神依然好憂鬱...

菲比﹕我雖然唔鐘意芝麻仔瞓我媽媽隔離，

但我都好掛住佢o架！

菲比﹕幾時先可以見到媽媽同細佬呢？