媽媽細佬一齊黎暫住

食食下宵夜，突然收到堂妹電話，

問我妹妹同芝麻可唔可以去我屋企暫住，

一聽見佢咁問，就知一定有事發生啦！

果然，一見到佢就見到佢對眼腫晒，

原來妹妹同芝麻係屋企比堂細佬打，

詳情不便透露太多...

大家好，我叫芝麻，不過個個都叫我做芝麻仔...

見唔見到菲比個樣呀！感覺好可憐，

佢可能係到諗，多兩個同我爭媽媽...

菲比，佢o地係黎暫住咋！唔會同妳爭媽媽，

而且佢o地媽媽都好掛住佢o地o架！

佢兩個o既臨時安心窩，雖然亂咗d(仲未捨得執房)

但都好過係屋企比人打o既！

好彩佢2個都肯跟我...

都係芝麻，媽媽好有性格，唔影就唔影，

零食引誘都無用...

比媽媽發現咗返工前比菲比o既牛骨，

霸住黎咬一d都唔比芝麻咬，芝麻想行近小小都唔得，

睇下芝麻仔個樣幾無奈...

一瞓醒就見到菲比咁o既樣！

菲比，唔好咁啦！媽媽始終咩都以妳為先o架！

好彩帶佢o地返黎前問咗師姐先，

我比零食應該比邊個先，如果唔問問，

我仲以為媽媽大啲，應該比媽媽先，

師姐話係菲比先，咩都比菲比先...

佢一直坐/企係床邊，想點呢？

原來係唔比芝麻仔上床呀！

唉！一起身就掛住影相，影完先見到門後果塊片片，

一晚就比媽媽同芝麻痾濕晒，

因為菲比從來都唔係房痾，

所以應該無佢份...

芝麻仔﹕我同我家姐菲比似唔似樣呢？

每次有其他狗狗，我拎起零食菲比都唔會係最前果個，

同細佬都唔例外...

成日都企係後面，反而芝麻仔就越行越前，

想搶我手上零食，不過我記得，咩都要比菲比先...

影咗幾十張，先得幾張一家三口都望鏡頭，

我個菲比豬，始終都要企係最後...

最左手邊o既係芝麻仔，中間o既係妹妹，

菲比大家都應該認得掛！啱啱剪完毛，

如果唔係都幾難認...

開餐啦！菲比又隔離飯香啦！

食咗媽媽細佬成半兜糧，佢平時三餐o既份量，

所以我可以肯定媽媽細佬食開o既糧應該好重味！