西貢遊

約咗表姐同同事去西貢玩下，

見菲比咁唔開心，所以帶埋佢去啦！

諗住同佢坐74X去德福轉小巴，

點知唔知係味個狗袋太焗，佢又不停掙扎，

臨到德福佢突吠咗一聲，吠聲同平時唔同，

打開個袋睇下佢咩事，佢即時伸個頭出黎，

我見到佢反咗半隻白眼，即刻拿拿臨攞水比佢飲，

好彩好快就落車，之後諗諗下都係唔好坐小巴啦！

綠色小巴未必比狗上，到時又要入狗袋，

最後係德福CALL VAN去西貢...

入到西頁醫肚先，突然黎咗一班同類，

成十隻貴婦一齊出現，全部朱古力色，得一隻黑色...

仲有依隻標準貴婦呀！

第一次見唔係剪貴婦裝o既標準貴婦，

好可愛呀！

菲比一拍埋去，完本大隻o既佢變得好細隻，

佢o地咁多隻狗，全部都大隻過菲比，

其實菲比都唔係好大隻啫...

佢個頭真係大過我個頭...

去碼頭坐船去半月灣喇！

好彩賣船票個叔叔提一提，半月灣唔比放狗，

如果唔係每人來回一百蚊船票，又唔可以放狗，

最後去咗喬咀島，來回都係廿蚊，慳好多...

菲比﹕媽媽最鐘意見到您個開心樣，

就算帶住您出街，媽媽會辛苦啲，

又玩得無咁盡情，但媽媽都覺得係值得的...

菲比識得/肯跟住表姨媽行GOOD...

但轉頭就...唉！

好鐘意依兩張自拍相...

喬咀島環境都唔鐘吖！

菲比依日無咩吠狗同人，只係比一隻狗嚇完後就經常想吠佢...

保護狗袋時間

依日菲比穿梭於人群之間，表現十分合作，

比個讚佢先得，如果以後去街都係咁，

我就唔使成日擔心佢唔知幾時會吠人，

唔知幾時又失控啦！

同場加映，有個傻佬想捉菲比落海，

哈哈！佢邊夠菲比快吖！

而且佢都唔敢掂菲比...

菲比﹕傻瓜追我吖！追到比個錢你買紅棗

菲比咁大個女第一次光明正大入餐廳，

不過侍應叫自己要執生，小心有食環處o既人黎...

下午茶，三人四碟食唔晒...

菲比都好乖咁係到等我o地...

其實佢攰到不得了

Thx...壽媽，幫菲比整咗依咗咁可愛o既相相...