又到上堂的日子

上埋今堂放兩個月暑假啦！

不過1、8、15赤柱有狗狗運動會，

到時都可以見啦！15號係係百樂舉行...

睇完龍船就放菲比去沖涼，

夜晚媽媽整蛋糕時佢又跟出跟入，

所以媽媽一坐低超過五分鐘，菲比就會爭取時間瞓覺...

呢張相影到佢同腰腰都好可愛...

呢日發現菲比原來經常有眼神接觸媽媽o架！

只係媽媽大遲鈍啦！經常都唔為意...

三個少年訓犬領袖好留心聽師姐講解喎！

佢兩個好叻叻，d狗跳過佢o地都唔驚...

呢張相真係多咗隻手，唔係就好靚啦！

兩個唔知係到傾咩呢？

人人一部相機...

叫腰腰影低菲比，佢竟然影舊肉肉...

好彩同學仔媽媽幫我影到一張，

菲比d速度實在太快啦！就算用單反機連拍，

都可以係無張清，呢張影到菲比好似慢慢行，

實在難得...

呢堂有好多新花式，大部份比少年訓犬領袖的...

GOOD！識得望住媽媽...

見唔見到支火箭呢？

腰腰勁比蚊針，靚女幫佢貼咗呢D面包超人止痕貼，

香港唔知有無得買呢？我估佢係日本買返黎！

咁就比腰腰用咗好多張，腰腰貼咗一張係我手，

有少少薄荷，涼涼地，好舒服...

菲比呢日都好肯跟靚女，不過點解教我個女食煙？

靚女無諗到我咁都影，哈哈哈！

正當我疑惑D大狗穿過佢兩個時會唔會整跣佢o地，

師姐發現自己搞錯咗啦！

呢個動作係比大個啲o既少年領袖的...

辛勞過後的獎勵，辛苦靚女...

睇唔睇到腰腰個樣呀！好得戚囉！

佢擺明就玩學仁啦！叫人跳自己就原地踏步...

兩個表情多多o既小鬼...

BBQ時間喇！菲比，幫媽媽睇住D飲品吖唔該...

菲比﹕媽媽，唔好去咁遠呀！

比師姐話我影相成日蒙查查添，

原來係菲比頸度個閃燈，搞到D相都蒙晒...

呢張咪幾好...

唉！菲比呢日第二次同師姐咀對咀啦！

之前師姐咀對咀比綠豆沙菲比，

仲一路比一路問菲比仲有無食便便，

我答佢間唔中都有，嘻嘻...

呢張似唔似菲比同我講， 媽媽我無食到...

菲比﹕好彩尋日涼咗涼，點呀！我香唔香啫...

玩玩下，突然四隻大狗開戰，睇下咁o既陣容，

d狗仲邊有得惡，我...當然抱菲比離開玩場啦！

我同菲比同佢o地最近，幾驚菲比又比佢o地嚇親，

到時又有排搞啦！好彩咁啱媽媽係身邊，

雖然媽媽可能驚過佢，但都好過我唔係現場，

菲比真係唔知會點...

菲比﹕我好叻，無驚驚吖！