狗狗運動會@百樂

今個星期又去狗狗運動會啦！

今日無參加比賽，只係去表演，

菲比探訪次數多咗，表演時都合作咗，

只係間中唔聽指令，反而之後我o地自己係入邊集體練習，

佢就唔聽指令啦！又唔肯sit，一放繩就走狗，

唉！師兄話我平時唔管佢，所以一放繩就走狗@@

睇相見到菲比同少爺尖唔止身形同樣似，

原來都幾合拍喎！

菲比﹕少爺尖我哋唔好望腰腰啫...

少爺尖﹕菲比，比小小面腰腰啦！望下佢...

腰腰﹕咁我陪哋伸脷仔啦！

今日到菲比見親都會吠o既男人抱菲比啦！

菲比都有想咬，不過佢哋唔會驚妳o架菲比！

仲諗咗解決辦法添...

菲比﹕媽媽，我好乖，唔好再比啲男人抱我...

今日我哋玩跳高，菲比可以跳八格，

不過要我的一的佢，如果唔係佢根本就唔肯行近去...

八格有幾高，波仔跳到九格，菲比都係少佢一格咋...

菲比咬到師傅隻手流血呀！我好驚呀！

師傅反而叫我唔好驚，佢要咬咪比佢咬，

佢咬咬下發現咬人人都唔驚佢，佢自然就會不安，

之後就唔會啦！

佢之後跟住師傅一段時間，我係佢身邊行過佢都無掙扎...

即時見到成效...

返到屋企菲比唔上床瞓，我叫佢上佢都唔上，

正當我諗緊咩原因之際，師傅打電話黎話我知，

師傅真係好犀利，知道佢做完o野之後狗狗會有咩反應，

佢又會因應主人而調教應付狗狗策略，

真係覺得好好彩，可以遇到師傅佢哋，

如果唔係，可能到宜家會發展到唔敢帶菲比去街lu...