姪女回家了

姪女返咗屋企幾日，先同佢影相，

因為一直為咗佢同細佬嘈緊，

所以都無咩接觸佢，

佢爸媽介意我抱完菲比抱佢啦！

又怕菲比有毛，BB氣管唔好，會將D毛吸咗入肺之類，

所以回家初期我都無咩接觸佢，

連出院第二日媽咪同佢沖涼，

我拎起相機都無同佢地影翻張相，

因為都仲有D嬲佢爸爸，為咗佢想我放棄菲比！

(到宜家都好後悔點解為咗咁唔幫媽咪同BB影下相，
搞到媽咪無同BB影過一張相，成為一家o既憾事...)

直至呢一日，終於忍唔住，攞住相機離遠影咗幾張相...

好耐都無接觸咁細個BB啦！

真係好想抱下佢...

出世5磅多少少o既佢，

張床仔打肋斗都得呀！

淨係得個頭，個身瘦猛猛...

11日大o既佢都唔夠6磅...

個樣忔人憎到呢...

個個都話佢似我，但姑媽係都話唔似，

話佢似哥哥，呢張相證明，佢都好似我o架！

菲比﹕我都好想同佢玩呀！

BB返到屋企，菲比好緊張，

BB一喊，菲比就會跑去佢房門口，

邊個抱BB出廳，菲比都會好想望下佢，

希望妳o地兩個將來可以和平共處啦！...