唔會忘記呢一日

19-8-2012

呢一世都唔會忘記呢一日，

17號去探媽咪，佢仲話應該打多兩個星期抗生素就可以出院，

見媽咪精神都幾好，所以18號就無去探媽咪，

去咗深水埗買整夾仔圍巾用品，

都怪自己太心急，想整就要整，

唔去買o野咪好囉！做咩唔去探媽咪呢？

19號零晨，我仲係度整緊圍巾...

菲比﹕呢個好男仔喎！

唔知菲比係咪感應到婆婆就快離開呢？

沒精打采，的佢坐起身影完一張相佢又瞓低...

幾個鐘頭後，就收到阿嫂電話...

細佬知道醫院咁打黎一定係情況不妙，

所以連得19日大o既BB都帶埋去醫院...

個個親戚朋友見到佢既開心又難過，

個個都話咁細個做咩帶埋佢去醫院...

唔帶佢去佢就見唔到嫲嫲最後一面啦！

雖然佢都唔知發生咩事，但嫲嫲瞳孔擴張前，

仍有意識時同佢講咗BB係度，

我相信媽媽係知道BB有去見佢最後一面的...